Debleskri gili 18:16 - O Debleskro Lab 2024 (Sinte-Manouche)

¹⁶ Kote vas o telstunepen tel i panya diklo, oun i telstouni phoub vas pre-čakedo, har tou, baro Devel, čingral oun trad dal an tiri rholi.

O Debleskro Drom 2021 (Sinte)

¹⁶ Kote was o telstunepen tel i panja diklo, un i telstuni phub was pre-tchakedo, har tu, baro Dewel, tchingral un trad dal an tiri choli.

Debleskri gili 18:16 Referans Kwoze

2. Samuel 22:17

Dran o bolepen tapras man tiro vast, oun tserdas man dran o baro pani vin.

Debleskri gili 144:7

Rike mange tiro vast dran o bolepen! Tape man, oun le man vin dran kava baro pani, dran i vasta kol vavar menshendar!

Debleskri gili 57:3

Ap o Debleste, ko pralstuneste, dau me gole, ap koleste, kay miro koova mishto krella.

Debleskri gili 18:43

Oun me dom len khetne, dom len tiknes har čik, hoy i baro dourho krik phourdell. Har čik čorom len vin ap o drom.

2. Mose 2:10

Har his o čavo bares doha, anas yoy les pale o rayeskri čake. Koya las ko čaves har te vals lo lakro čavo. Yoy penas: “Me tserdom les dran o pani vin.” Doleske das yoy les o lab Mose.

Debleskro tsiro 17:15

Oun o bolepaskro penas ap mande: “Tou dikal, kay beshell koy djouvel, hoy vi-ladjedo koova krell, pash boud panya. Kol panya hi menshe dran haki harmenatsyona, dran hako them, haki natsyona, oun hako rakepen.

Debleskri gili 32:6

Doleske mangenn tout lauter kolla an, kay tiro hi, an ko tsiro, kay taprell len i daar. Palle, te venn i bare panya, nay taprenn le len gar.

Nahum 1:4

Yob čingrell ap o baro pani, oun o pani djal krik. Oun kol lengste panya nashenn bouder gar. O zenlepen an o them Bashan oun i rouka ap i berga Karmel merenn tele. Ninna i bloume ap i berga Libanon merenn.