Debleskri gili 16:11 - O Debleskro Lab 2024 (Sinte-Manouche)

¹¹ Tou sikreh o drom, kay an o djipen anell. Pash toute hom barhtelo. Te hom kote, kay tou hal, bashrell miro dji hako tsiro.

O Debleskro Drom 2021 (Sinte)

¹¹ Tu sikreh o drom, kai an o djipen anell. Pash tute hom bachtelo. Te hom kote, kai tu hal, bashrell miro dji hako tsiro.

Debleskri gili 16:11 Referans Kwoze

Bičepangre 2:28

Tou sikral mange ko drom, hoy dell man o djipen. Oun pash toute hom me barhtelo.”

Judas 1:24

Maro Debles hi i zoor, te rikrell lo t'men ap leskro drom, te hatsell lo kek doosh ap t'mende ap ko dives, kay han glan leste tardo, oun dikenn leskro raylepen, oun han barhteles.

Efesarja 3:19

ninna te hi leskro kamlepen bareder har lauter, hoy an mare shere dren djala. Te hayvah leskro kamlepen boud oun boudeder, palle djivell o Devel boud oun boudeder an mende.

Gosewe laba 4:18

O drom kolendar, kay o čačepen krenn, hi har o kham, hoy taysarlakro pre djal, oun o dives anell oun zorleder vell bis te hi lo pralstounes tardo.

Debleskri gili 17:15

Me krom, hoy čačo hi. Doleske nay dikau tout. Te djangrau pre, dikau me tout oun hom čalo i barhtyatar.

Mateo 7:14

Tikno hi ko voudar oun gar bourhlo hi ko drom, kay i menshe hatsenn o djipen. Oun gar boud hi kolla, kay ap ko drom djana.

Jesaja 2:3

oun penenn: “Avenn, te djas pre ap i berga o baro Deblestar, pash o kheer o Yakobeskro Deblestar, te sikrell lo men peskre dromma, te djinas, hoy lo mendar kamell.” O baro Debleskre laba djan vin dran Sion. Dran o foro Yerusalem rakrell lo i menshentsa.

2. Korintarja 4:17

Ko pharo koova, hoy mer kanna hidjrah, hi tikno oun djal peske. Pal kova vell i baro raylepen. Kova hi shoukeder har halauter, hoy kanna djinah, oun djal peske gar.

Mateo 5:8

Barhtele hi kolla, kay hi len i djoudjo dji. Yon dikenn o Debles pengre yakentsa.

Debleskro tsiro 22:5

An ko foro vell bouder gar rati. Len hounte vell kek momeli, vitar gar o kham, te dikenn le. O baro Devel hi lengri momeli. Oun yon hi bare raya hako tsireske.

Remarja 8:11

O Devel kras o Yezous Kristes i moulendar djido. Te djivell leskro Dourho an t'mende, palle krell lo t'men ninna djido. O Debleskro Dourho, kay an t'mende hi, krell kova.

1. Johanni 3:2

Lače phrala oun phenya, kanna ham Debleskre čave. Oun hoy mer vah an ko tsiro, hoy vella, djinah gomme gar. Yek djinah: Ap ko tsiro, kay vell o Yezous Kristo pale, dikah les har yob hi, oun mer vah yaake, har yob hi.

1. Korintarja 13:12

Kanna dikah o Debleskro koova gar mishto. Mer dikah kova yaake har an o phouro blendari. Yek dives vella, kay dikah mer o Debles, har yob hi. Lauter, hoy me kanna lestar djinau, hi tikne kotya. Vell ko dives, kay prindjrau les yaake, har yob man prindjrella.

Gosewe laba 12:28

O djipen hi kote, kay djan le ap o čačo drom. Kava drom hi mishto kerdo oun anell gar an o merepen.

Markus 16:19

Har o ray Yezous yaake lentsa rakras, vas lo pral an o bolepen hadedo, oun beshas pes ap o Debleskri čači rig.

Mateo 25:33

I lače menshen čivell lo ap peskri čači rig, oun i vavar ap peskri servi rig.

Debleskri gili 139:24

Oun te dikeh, te hom ap i drom, hoy toutar krik djala, palle ab oun le man pale ap ko drom, hoy pash toute djala!

1. Petro 1:21

Yob anas t'men ap o Debleskro drom. O Devel kras les i moulendar djido, oun das les peskro raylepen. Doleske čivenn t'maro tselo patsepen ap leste!

Mateo 25:46

Oun kol čilače len i phagi hako tsireske. I lače lenn o djipen, hoy gar pre-herella.

Gosewe laba 2:19

Hakeno, kay djal pash late dren, vell gar bouder pale, oun vell gar ap o drom, hoy an o djipen anell.

Gosewe laba 5:6

Yoy djal gar ap o drom, kay anell o djipen. Lakro drom hi bango, oun yoy dikell kova gar.

Bičepangre 7:56

Oun o Stefano penas: “Me dikau o bolepen pre, oun o Menshengro Čaves ap i čači rig o Deblestar tardo.”

Debleskri gili 4:8

Tou kral miro dji barhtleder har o dji kolendar, kolen boud djob oun mool hi.

Debleskri gili 68:4

Hi vavarčandes kolentsa, kay an o čačepen tardo hi: Yon venn barhtelo, stenn oun sanenn i barhtyatar glan o Debleste.