Debleskri gili 146:5 - O Debleskro Lab 2024 (Sinte-Manouche)

⁵ Barhtelo hi kova, koleske o Yakobeskro Devel ap i rig vell, ava, kova hi barhtelo, kay kokres ap peskro baro Debleste dikell.

O Debleskro Drom 2021 (Sinte)

⁵ Bachtelo hi kowa, koleske o Jakobeskro Dewel ap i rig well, awa, kowa hi bachtelo, kai kokres ap peskro baro Debleste dikell.

Debleskri gili 146:5 Referans Kwoze

Debleskri gili 144:15

Barhteles hi kol menshe, kolenge yaake djala! Ava, barhteles hi kol menshe, kolengro Devel o baro Devel hi!

Debleskri gili 71:5

Miro ray, tou baro Devel, ap toute dikau, foun tiknes pre patsom ap toute.

Debleskri gili 33:12

Barhtele hi kol menshe, kolengro Devel o baro Devel hi, kol menshe, kay yob peske vi-rodas, te venn le leskre menshe.

Debleskri gili 84:12

Maro baro Devel hi o kham maro djipaske. Yob rikrell peskre vasta pral mende. O baro Devel dell men lačepen oun raylepen. Kolen, kay o djiyestar ap leste shounenna, dell lo hako lačepen, hoy len hounte vella.

Debleskri gili 46:11

“Moukenn tele”, dell lo gole, “oun hayvenn, te hom me o Devel. Me hom o pralstouno pral i menshende an i tsele themma, ava, o pralstouno pral i tseli phoub.”

1. Petro 1:21

Yob anas t'men ap o Debleskro drom. O Devel kras les i moulendar djido, oun das les peskro raylepen. Doleske čivenn t'maro tselo patsepen ap leste!

Debleskri gili 84:8

Pale te pale lenn le nevi zoor, bis te dikenn le o čačo Debles ap i berga Sion.

Debleskri gili 46:7

Yob te dell gole, darenna i menshe an i vavar themma, oun bare rayenge vell i zoor krik lino pral pengre themma. I tseli phoub trissella i daryatar.

Debleskri gili 39:7

O mensho vell oun djal pale har i souni. O mensho boudrella boud čičeske oun krell boud gole troul či. Yob anell peske boud bravlepen khetne, oun djinell gar, koon kova lella.

2. Mose 3:6

Oun pale penas lo ap o Moseste: “Me hom tiro dadeskro Devel, oun o Abrahameskro Devel, oun o Isaakeskro Devel oun o Yakobeskro Devel.” Oun o Mose čivas i diklo glan peskre yaka. Yob daras, te dikell lo ap o Debleste.

5. Mose 33:29

Barhtelo han t'mer, Israelitarya! Koon hi yaake har t'mer? T'men kokres las o baro Devel dran o pandepen vin. Yob vell ap t'mari rig, oun rikrell peskro vast pral t'mende. Yob kourell pes t'menge, oun krell, te venn t'mer zorleder har kolla, kolentsa kourenn t'men. Yon hounte vitsrenn pen tele glan t'mende, oun t'mer djan pral lende vergel.

1. Mose 50:17

Yaake hounte penenn ap o Yosefeste: Mangau tout, biste ko čilačo koova, hoy tire phrala ap toute kran! Doleske mangah mer, kay ninna tiro dadeskro Debles an-gole dah: Biste ko čilačepen, hoy mer kram!” Har o Yosef kova shounas, rovas yob.

Debleskri gili 20:8

Vavar menshe patsenna ap i zoor pengre grayendar oun vourdya. Mer dah gole ap maro baro Debleste.

Debleskri gili 46:8

O baro Devel, ko ray pral o bolepen oun i phoub, hi ap mari rig. Yob hi o Yakobeskro Devel oun rikrell peskre vasta pral mende.

Gosewe laba 16:20

Kova, kay dell yak ap o lab, hoy leske penlo vas, hatsell barht, oun kova hi barhtelo, kay čivell peskro dji ap o baro Debleste.