Debleskri gili 142:1 - O Debleskro Lab 2024 (Sinte-Manouche)

¹ Givede laba o Davidestar. Har khatras yob pes an koy grotta, mangas yob o Debles kal labentsa.

O Debleskro Drom 2021 (Sinte)

¹ Giwede laba o Davidestar. Har khatras job pes an koi grotta, mangas job o Debles kal labentsa.

Debleskri gili 142:1 Referans Kwoze

Debleskri gili 57:1

I gili o rayeske pral o gipangre, te givell har koy gili Ma mare men. O David činas kay gili an ko tsiro, har yob glan o Saul ap o naashepen his, oun pes an koy grotta khatras.

Debleskri gili 30:8

Tou, baro Devel, hals mange lačo, oun kral man yaake zorelo har i baro bar. Ap yek kopo khatral tou tout mandar, oun man tapras i daar.

Debleskri gili 141:1

I gili o Davidestar. Baro Devel, ap toute dau me gole. Ab sik pash mande! Shoun ap mande ap ko tsiro, kay ap toute gole dau!

1. Familjakro liil 4:10

Oun o Yabez das gole ap o Israeleskro Debleste oun penas: Čip tiri barht ap mande, oun kre miro them bareder har lo kanna hi. Ab mantsa, oun rike tiro vast pral mande, te vell nay kek douk pral mande! Oun o Devel moukas te vell, hoy yob poučas peske lestar.

Debleskri gili 54:1

I gili o rayeske pral i gipangre, te bashrell ap i doryengri bashepaskri. O David činas koy gili, har kol morsha dran Sif pash o Saul van oun penan: “O David rikrell pes pash mende khatemen.”

Debleskri gili 32:1

Laba o Davidestar. Barhtelo hi kova, koleske o čilačepen, hoy ap leste his, krik lino hi, oun leskri doosh bistedo hi.

Debleskri gili 28:2

Shoun ap miro ropen! Shoun, har ap toute gole dau! Dik ap mire vasta, hoy me pre-hidjrau pash tiro kheer, kay tou hal!

1. Samuel 24:3

Oun o Saul las peske 3.000 (triin-zerya) vin rodede morshen dran o tselo them Israel, oun djas lentsa koy, te rodell lo les. Oun o David oun leskre morsha his vergel kol bare barra, hoy kharenn bouzyengre barra.

Hebrearja 11:38

Yon nashan an o moulo them trouyel, ninna an i berge oun djinan gar, kay te djan le. Mashkral i bare barra khatran le pen, ninna tel i phoub. Kolla lauter his lače menshe. I vavar menshe ap kay phoub his gar moldo, te djivan kol lače menshe mashkral lende.

1. Samuel 24:4

Har vas o Saul pash kol bakrengre platse, kay ap o drom his, dikas lo i grotta, djas koy dren ap i rig. Oun o David oun leskre morsha his doureder palla an koy grotta.