Debleskri gili 14:1 - O Debleskro Lab 2024 (Sinte-Manouche)

¹ I gili o rayeske pral i gipangre. O David kras kay gili. Dinele hi le, kay rakrenn penge: “O Devel dell pes gar!” Či-molde hi le! I ladj hi kova, hoy yon krenn. Kek hi koy, kay krell lačepen.

O Debleskro Drom 2021 (Sinte)

¹ I gili o rajeske pral i gipangre. O David kras kai gili. Dinele hi le, kai rakrenn penge: “O Dewel dell pes gar!” Tchi-molde hi le! I ladj hi kowa, hoi jon krenn. Kek hi koi, kai krell latchepen.

Debleskri gili 14:1 Referans Kwoze

Debleskri gili 10:4

O čilačo rikrell o nak pral oun penell peske: O Devel poučell gar palla. Lauter, hoy leske an o shero trouyel djala, hi: Dell kek Devel.

Debleskri gili 53:1

I gili o rayeske pral i gipangre, te givell har koy gili Mahalat. O David kras kay gili.

Debleskri gili 92:6

Baro Devel, havo baro koova kral tou! Hi phares menge te hayvas, hoy touke an o shero djal.

1. Mose 6:5

O baro Devel dikas, kay o menshengro čilačepen baro hi ap i phoub. Halauter, hoy len an lengre djia hi, his čilačo o tselo dives.

Mateo 12:34

T'mer han sapa! T'mer han čilačo oun nay rakrenn gar lačo koova. I mensho penell kova, hoy an leskro dji dren hi.

Louka 12:20

O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

Mateo 15:19

Dran o mensheskro dji vell o čilačo koova, hoy an leskro shero trouyel djal. Dran leskro dji vell, te dell lo i vavares moulo. Te rhorhell i morsh peskri romyat, vell kova dran leskro dji. Te rhorhell i djouvel peskro romes, vell kova dran lakro dji. Dran o dji vella o vi-ladjedo koova, o čorepen, o rhorhepen, oun o praasepen.

Gosewe laba 1:7

Glan halauter hounte djivess o baro Debleha, te kameh gosevo te vell. Koneske o gosvepen či moldo hi, oun koon kamell či te djinell, hi dinelo.

Tito 3:3

Glan ko tsiro, kay hams gar patslo, hams ninna save menshe, kay prindjran o čačepen gar. Mer shounam gar ap o Debleste, oun djam gar ap leskro drom. Hams pandlo ap djoungelo koova, hams čilačo oun dikam čilače yakentsa ap kova, hoy i vavaren his. Hams čilačo oun rhoyemen ap i vavarende, oun yon ap mende.

Efesarja 2:12

Ap ko tsiro prindjran t'mer o Yezous Kristes gar oun hans gar o Debleskre menshendar. Ko lačo koova, hoy o Devel peskre menshenge penas, te dell lo len, his gar t'menge. T'mer prindjran o Debles gar, oun djivan har an i kali rat oun dikan kek momeli glan t'mende.

Gosewe laba 27:22

I kashteha vell djob tiknes kerdo an i piri. Ninna te krals yaake i dineleha, perals leskro dinlepen gar lestar tele.

Gosewe laba 1:22

T'mer, kolen či an o shero hi: Har rah kamenn t'mer dinelo koova te krell? T'mer sapangre, har rah kamenn t'mer pral o vavareste te sal oun les praasell? T'mer dinele, har rah penenn: Mer kamah gar te djinell, hoy čačo hi?

Hiob 22:13

Oun tou poučeh: “Hoy nay djinell o Devel? Hi lo gar khatedo pal kale volke? Har nay rakrell lo o čačepen pral mende vin?

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.

Tito 1:16

Yon penenn, te prindjrenn le o Debles. An lauter, hoy yon krenna, sikrenn le, kay yon les gar prindjrenna. Yon hi infam an o Debleskre yaka, oun kamenn gar ap leste te shounell. Yaake hi lauter, hoy yon krenna, či moldo.

Jesaja 1:4

T'menge djal djoungelo, t'mer čilače menshe, kay anan yaake boud doosh ap t'mende! T'mer han bede, čave, kay molenn či! T'mer moukan o baro Debles, kamenn či bouder te djinell o Israeleskro Deblestar, kay kokres o Devel hi, oun sikran leske t'maro doumo.

Debleskri gili 107:17

Vavar kran dinelo koova, peran o Debleskro drom tele, oun anan doosh ap pende. Doleske djas lenge yaake djoungeles,

Hiob 15:16

Har boud boudeder hatsell lo doosh ap o mensheste. O mensho krell djoungelo koova oun hi či-moldo. O čilačepen krell lo, har te piyals lo pani.

1. Samuel 25:25

Miro ray, ma rhoye tout pral o Nabal, ko či-moldo! Har leskro lab, yaake hi lo ninna! Nabal kharell lo, oun i narvelo hi lo. Me, tiri boudepaskretsa, dikom kol morshen gar, kay bičral.

Gosewe laba 13:19

Te vell kova, hoy yek yaake rah kamas, hi lo barhtelo. I dinele rhoyrenn pen, te hounte moukenn le pengro čilačo drom.

Debleskri gili 73:3

har dikom, te djal i čilačenge yaake mishto. Me zilverom ap kolende, kay krenn pen baro.

Sikepaskro 7:20

Kek mensho hi yaake an o čačepen tardo, te krell lo kokres lačo koova oun anell kek doosh ap peste.

Jeremia 5:12

Yon penan rhorhepen pral o baro Debleste, oun penan: Kova krell yob gar! Yaake djoungelo djal menge gar! Kourepen oun bok vell gar pash mende.

Jeremia 6:28

Yon djan lauter penge krik mandar, oun rakrenn djoungeles yek pral o vavareste. Djia dran saster hi len. Yon lauter djivenn an o rhorhepen.