Debleskri gili 139:2 - O Debleskro Lab 2024 (Sinte-Manouche)

² Tou prindjreh miro beshepen oun miro tardepen. Tou hayveh foun doural, hoy an miro shero trouyel djal.

O Debleskro Drom 2021 (Sinte)

² Tu prindjreh miro beshepen un miro tardepen. Tu haiweh fun dural, hoi an miro shero trujel djal.

Debleskri gili 139:2 Referans Kwoze

Mateo 9:4

Oun o Yezous hayvas, hoy an lengro shero trouyel djas. Oun yob penas ap lende: “Hoske djal savo čilačepen an t'maro shero trouyel?

2. Rajengro liil 19:27

Tiro tardepen prindjrau oun tiro beshepen dikau, oun ko tsiro djinau, kay djah tou vin, oun kay veh pale dren. Oun ninna djinau, havi bari rholyah tou divyes ap mande djah.

Louka 9:47

Har o Yezous hayvas, hoy an lengro shero trouyel djala, las yob i čaves pash peste,

Debleskri gili 94:11

O baro Devel djinell, hoy an i menshengre sherya hi: lauter či-moldo koova.

Jesaja 37:28

Tiro tardepen prindjrau oun tiro beshepen dikau, oun ko tsiro djinau, kay djah tou vin, oun kay veh pale dren. Oun ninna djinau, havi bari rholyah tou divyes ap mande djah.

Gosewe laba 15:3

I yaka o baro Deblestar dikenn lauter, kova, hoy i čilače krenna, oun kova, hoy i lače krenna.

Zakarie 4:10

Yob penas: “Kolla hi kol douy vi-rodede morsha, kolen o ray pral i tseli phoub o djeteha dren makas, te krenn le leskri boudi.”

Debleskri gili 56:8

Miro Devel, kameh len kek phagi te dell lengro čilačepaske? De kal menshen an tiri rholi khetne!

2. Rajengro liil 6:12

Koy penas yek leskre pralstunendar: “Kek mendar, miro baro ray. O Elisa, ko Debleskro rakepaskro an Israel, phoukrell lauter o baro rayeske pral Israel, ninna, hoy tou rakreh an tiri isema, kay soveh.”

1. Mose 16:13

Koy poučas i Hagar pestar: “Dikom me čačepah o Debles, kay man dikell?” Oun yoy das o baro Debles, kay lah rakras, ko lab Tou hal i Devel, kay man dikell.

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

Ezekiel 38:17

Kava penell o baro Devel, maro ray, ap toute: Tou hal ko morsh, kolestar moukom mire rakepangren glan i rah tsiro te rakrell, kolla, kay kran, hoy lenge penom. An lengro tsiro penan le i Israelenge glan-vi, te moukau tout pral lende te vell.

5. Mose 31:21

Palle vell boud bibarht oun djoungelo koova pral lende. Oun yon givenn koy gili. oun koya vell gar bistedo lengre čavendar, oun sikrell lende, kay dom len trad, hoy vella, te moukenn le miro drom. Glan te anom len an ko them, koleske me man sovel dom, te anau len koy, prindjrau ko koova, hoy lenge an o shero trouyel djal.”

Debleskri gili 44:22

palle djinals tou kova. Tou dikeh, hoy pash hakeneste an o dji khatemen hi, oun hoy kek vavar djinell.

Ezekiel 11:5

Oun o dourho o baro Deblestar vas ap mande, oun penas ap mande: Pen i menshenge an Israel: Kava penell o baro Devel: Djinau t'maro rakepen. Oun kova, hoy an t'maro shero trouyel djal, prindjrau me ninna.