Debleskri gili 137:1 - O Debleskro Lab 2024 (Sinte-Manouche)

¹ Pash i panya an o foro Babilon hams beshdo oun rovan, har menge o Sion an o shero vas.

O Debleskro Drom 2021 (Sinte)

¹ Pash i panja an o foro Babilon hams beshdo un rowan, har menge o Zion an o shero was.

Debleskri gili 137:1 Referans Kwoze

Ezekiel 1:1

An o 30. (triin-deshto) bersh djivom khetne vavar menshentsa, kay pandles krik anlo van, pash ko lengsto pani, hoy kharell Kebar. An o starto čon ap o pančto dives an ko bersh djas o bolepen pre, oun o baro Devel sikras pes mande.

Ezekiel 3:15

Oun me vom pash kolende, kay pandlo krik anlo his, oun an o gab Tel-Abib djivan pash o lengsto pani, hoy kharell Kebar. Efta divessa homs kote beshdo pash lende, oun homs har moulo kolestar, hoy dikom.

Louka 19:41

Oun har o Yezous pash o foro Yerusalem vas, rovas lo pral i menshende an kava foro,

Ezekiel 1:3

Kote an o them Babilonia pash o lengsto pani Kebar rakras o baro Devel ap mande, oun leskri zoor vas pral mande. Me hom o Ezekiel. Miro dad hi o rashay, o Bouzi.

Ropaskre gilja 3:48

I sva nashenn dran mire yaka tele, te dikau har djoungeles mire menshenge djal.

Ropaskre gilja 2:18

Yerusalem, de zoreles o Debleske gole, pen leske, hoy touke phares hi! Ap o dives oun an i rati mouk tire sva tele te nashell har i lengsto pani, hoy nashella. Rob, oun ma mouk tele!

Ropaskre gilja 1:16

Doleske rovau, oun mire yaka hi pherde sva. Man hi kek, kay penell mange lače laba, te lell miro dji pale nevi zoor. Mire čave hi kokres koy tardo, Kolla, kay dan men khetne, van i zorleder.

Jeremia 15:17

Me nay hom gar vavar menshentsa barhteles khetne beshdo, oun sau lentsa, tou čival tiro vast ap mande, oun hom kokres. Tiri rholi pral kal menshende vas ninna an mande.

Debleskri gili 42:4

I vavar penenn ap mande hako dives: “Kay hi tiro Devel?” Doleske rovau o tselo dives oun haki rati; mire sva van miro pipen.

Nehemia 2:3

Oun me penom ap o rayeste: “Baro ray, te djivess hako tsireske! Har nay vell mange gar ropaske? Ko foro, kay mire phoure paskedo hi, hi paash kerdo. Oun leskre bare voudya hi pre rhačedo.”

Esra 8:31

Ap o deesh-te-douyto dives an o ersto čon kram men ap o drom oun moukam ko pani Ahava pal mende, te djas an o foro Yerusalem. Oun maro Debleskro vast his pral mende oun das men gar an i vasta kolendar, kay kaman maro merepen oun kay men ap o drom palla lan.

Esra 8:21

Oun me moukom kote pash o pani Ahava i tsiro vin te kharell, kay rhas mer či, oun djas ap i čanga glan maro Debleste, te djal lauter mishto ap maro drom, te djah an maro them, oun te venn kek čilače menshe pral mende oun mare čavende oun halauter hoy men hi.

Debleskro tsiro 11:3

Oun me bičrau douy rakepangren an ko foro. Kolla penenn i menshenge o čačepen pral mande. Lengre ripya hi kerdo dran gone. Deesh-te-douy-sheel-te-shob-desha (1.260) divessa penenn yon lenge mire laba.”

Daniel 9:3

Oun me dikom pre pash o Debleste, miro rayeste, oun rodom les oun mangom les ropah, rhom či oun rivom man an i gono, oun vitsrom yagakri čik pral mande.

Ropaskre gilja 3:51

Mire yaka doukenna, te dikau, har i djouvyenge an miro foro djala.

Jesaja 66:10

Avenn barhteles o foreha Yerusalem, oun givenn oun khelenn leske, t'mer lauter, kay les o djiyestar kamenn. Avenn barhteles leha, t'mer lauter, kay pral leste rovan.

Jeremia 8:19

Dran o tselo them shounau me, har denn mire menshe gole. Kamell o baro Devel bouder gar o Devel an Sion te vell? Hi o fores Sion bouder kek baro ray? Hoske kran yon man yaake rhoyedo [penell o baro Devel], har mangan le pengre figuren oun rhorhene deblen an, kay kekeske ap i rig venna?

Jeremia 13:4

Le ko pereskro pandepen, hoy tou ginal oun čival troul toute, oun dja pash o lengsto pani Eufrat oun khate les mashkral kol bare barra.

Jeremia 51:13

Tou foro, kay hal kote, kay bare panya hi, tou, kay tout baro bravlepen hi, tiro tsiro hi trouyel, tiro djipaskro thab vell tele činlo.