Debleskri gili 136:5 - O Debleskro Lab 2024 (Sinte-Manouche)

⁵ Yob kras o bolepen an peskro gosvepen. Leskro lačepen ačella hako tsireske!

O Debleskro Drom 2021 (Sinte)

⁵ Job kras o bolepen an peskro goswepen. Leskro latchepen atchella hako tsireske!

Debleskri gili 136:5 Referans Kwoze

1. Mose 1:1

Glan i rah rah tsiro kras o Devel o bolepen oun i phoub.

Debleskri gili 104:24

Baro Devel, har baro oun boud hi kova, hoy tou halauter kral! Har goseves kral tou halauter! I phoub hi pherdo o tselo koova, hoy tou kral.

Jeremia 51:15

Yob, o baro Devel, kras i phoub peskri zoryah, oun kras lat zoreles an peskro gosvepen, oun kras o bolepen koy pral.

Debleskri gili 33:6

Dran o lab o baro Deblestar vas o bolepen kerdo. Dran o dourho, hoy dran leskro mouy djas, van i tsele bolepangre momlia kerdo.

Jeremia 10:12

Yob, o baro Devel, kras i phoub peskri zoryah. Dran peskro gosvepen čivas lo i phoub zoreles tardo, oun kras o bolepen koy pral.

1. Mose 1:7

O Devel kras o bolepen. Oun pani his koy pral, oun pani his koy tel ap i phoub.

1. Mose 1:8

Oun o Devel das o bolepen o lab bolepen. Oun vas rati oun pale taysarlakro. Kova his o douyto dives.

Debleskri gili 8:4

Me te dikau o bolepen, hoy tou tire goushtentsa kral, o čon oun i momlia an o bolepen, hoy tou kral,

Debleskri gili 134:3

O baro Devel, kay o bolepen oun i phoub kras, hi khere ap i berga Sion. Foun kotar mou čivell lo peskri barht ap toute!