Debleskri gili 131:1 - O Debleskro Lab 2024 (Sinte-Manouche)

¹ I gili o Davidestar te givell ap o drom an Yerusalem. Baro Devel, me hom gar pre-phourdo, oun mire yaka dikenn gar tele ap i vavarende. Me kamau gar baro koova, vitar gar savo koova, hoy dour pral mande hi.

O Debleskro Drom 2021 (Sinte)

¹ I gili o Davidestar te giwell ap o drom an Jerusalem. Baro Dewel, me hom gar pre-phurdo, un mire jaka dikenn gar tele ap i wawarende. Me kamau gar baro koowa, witar gar sawo koowa, hoi dur pral mande hi.

Debleskri gili 131:1 Referans Kwoze

Remarja 12:16

Avenn t'men yek dji oun yek djipen! Ma krenn t'men bares! Avenn i mala kolendar, ap kolende i vavar tele dikenna! Ma penenn, te han kokres gosevo!

Debleskri gili 139:6

Tou prindjreh man yaake mishto, kova hi mange bares oun phares. Me nay hayvau kova gar.

Hiob 42:3

Tou poučal: “Koon hal tou, kay poučeh dineles: Hi kova gosevo, hoy o Devel krell?” Ava, tout hi čačo: Rakrom, hoy dinelo his, oun hoy gar hayvom oun kolestar či djinom.

Jeremia 45:5

Oun tou kameh touke baro koova? Vals feteder te kamess či! Me moukau bibarht te vell pral i tsele menshende, penell o baro Devel. Tou ačeh djido, kay tou ninna djah, ninna te ačell touke či har tiro djipen.

Debleskri gili 101:5

Koon rakrell čorrhanes djoungelo koova pal o doumo kolendar, kay troul leste hi, koles pandau leskro mouy. Kamau koles gar, kay pre-phourdo hi, oun ap vavar menshende tele dikell.

Debleskri gili 124:1

I gili o Davidestar te givell ap o drom an Yerusalem. Hoy vals, te vals o baro Devel gar ap mari rig? Pen les mange, tou Israel!

Debleskri gili 122:1

I gili o Davidestar te givell ap o drom an Yerusalem. Miro dji givas, har yon penan: Mer djah pash o baro Debleskro kheer.

4. Mose 12:3

O Mose his i mensho, kay kras pes gar bares. Kek mensho his ap i phoub, kay his yaake har o Mose oun hadas pes gar.

Mateo 11:29

Me hom t'menge i lačo ray, oun dikau ap kekeste tele. Shounenn ap mande oun krenn, hoy me t'menge penaua! Oun t'maro dji vell pale zorelo.

Debleskri gili 133:1

I gili o Davidestar te givell ap o drom an Yerusalem. Dikenn, har mishto oun shoukar hi, te djivenn phrala an o lačepen khetne.

1. Samuel 18:23

Oun i pralstoune boudepangre o Saulestar rakran kol laba ap o Davideste. Oun o David penas: “Hi t'menge kova i tikno koova te vell yek o baro rayeskri čakro rom? Me hom i čorvelo morsh oun gar an-diklo.”

1. Samuel 16:22

Oun o Saul moukas o Isay te penell: “Mouk o Davides pash mande te ačell oun mange te boudrell! Yob krell peskro koova lačes glan mire yaka.”

1. Samuel 16:18

Oun yek kol terne morshendar penas: “Shoun, o Isay dran Betlehem, les hi i čavo, ko hayvell i harfa lačes te bashrell. Ninna hi lo i čačo morsh, kay hayvell pes mishto te marell. Oun yob hatsella hako tsiro i laba, hoy penlo hounte venn. Oun yob hi i shoukar morsh. Oun o baro Devel hi leha.”

1. Samuel 16:13

Kote las o Samuel o djet oun čoras les ap o Davideskro shero, glan i yaka peskre phralendar. Oun o baro Debleskro dourho vas pral leste ap ko dives oun ačas ap leste. Oun o Samuel djas pale an Rama.

5. Mose 17:20

Yob hounte krell pes gar bares pral peskre phralende oun hounte djal gar tele o baro Debleskro dromestar, gar ap i čači rig oun gar ap i servi rig kolestar, hoy činlo hi. Palle ačell lo i rah tsiro baro ray an Israel, yob oun leskre morsh čave pal leste.

Remarja 11:33

Har baro hi o Debleskro lačepen ap lauterende! Har baro hi leskro gosvepen! Yob djinell halauter, hoy kek vavar nay djinella. Kek nay djinell, har yob rakrell o čačepen vin. Kek nay hayvell leskre tsele dromma.

Bičepangre 20:19

Me krom man gar bareder har me hom. Me hom o ray Yezouseske koy. His mange yek, te djal mange djoungeles. I bibolde lan man palla, oun boud kope his mange ropaske.

Jeremia 17:16

Tou djineh, me homs lenge har i bakrengro, oun krom hoy mange penal. Me kamom gar, te vell bibarht pral lende. Lauter, hoy lenge penom, djineh tou.

1. Samuel 17:15

djas o David pale te pale i tikno tsiro o Saulestar krik, te dell lo yak ap peskro dadeskre bakre an Betlehem.

1. Tessalonikarja 2:10

O Devel dikas, har djivam mashkral t'mende. Oun t'mer, kay ap leste patsenna, dikan ninna, te djivam yaake pash t'mende har o Devel kamella, oun djam pal o čačepen, te hatsas kek i doosh ap mende.

2. Samuel 6:22

oun kamau gomme tikneder te vell har kanna, oun či te vell an mire yaka. Pash kol djouvyende, kolendar tou rakral, vau an-diklo.”

Gosewe laba 21:4

I čilačen hi i pre-phourdo dji oun yaka, hoy tele dikenn ap i vavarende. Kova hi lengri doosh.