Debleskri gili 13:4 - O Debleskro Lab 2024 (Sinte-Manouche)

⁴ Tou, mo Devel, dik ap mande oun shoun miro mangepen! Mouk man i momeli te dikell, te merap gar!

O Debleskro Drom 2021 (Sinte)

⁴ Tu, mo Dewel, dik ap mande un shun miro mangepen! Muk man i momeli te dikell, te merap gar!

Debleskri gili 13:4 Referans Kwoze

Debleskri gili 25:2

Ap toute rikrau man, miro Devel. Mouk man gar čičeske ap toute te dikell, te nay san kolla pral mande, kay kamenn mange čilačepen.

Jeremia 1:19

Ninna te čingrenn le touha, nay krenn le touke či. Me hom pash toute, te lap tout dran lengre vasta vin. Kova penau me, o baro Devel.

Gosewe laba 12:3

O čilačepen dell kekes i zoor, te ačell lo zoreles tardo. Kova, kay an o čačepen hi, ačell zoreles tardo har i rouk bare drabentsa.

Debleskri gili 62:6

Pash o Debleste kokres hi miro djiyes kek daar! Djinau, yob hi, kay krell halauter mishto.

Debleskri gili 38:16

Čačepah, me čivau miro tselo patsepen ap toute, baro Devel, te rakress tou mantsa, mo ray oun mo Devel.

Josua 7:9

I Kanaanitarya oun halauter, kay an kava them djivenn, kolenge penenn le kova. Oun hakeno shounell kova! Oun palle venn le oun denn men moulo. Hoy kameh tou palle te krell, te ačell tiro lab baro?”

Ropaskre gilja 1:16

Doleske rovau, oun mire yaka hi pherde sva. Man hi kek, kay penell mange lače laba, te lell miro dji pale nevi zoor. Mire čave hi kokres koy tardo, Kolla, kay dan men khetne, van i zorleder.

Debleskri gili 112:6

Yob ačell zoreles tardo hako tsireske. Kova, kay an o čačepen tardo hi, vell an kek tsiro bistedo.

Debleskri gili 62:2

Pash o Debleste kokres hi miro djiyes kek daar, Yob vell ap miri rig.

Debleskri gili 55:22

Leskro rakepen hi goudlo har gvin. An leskro dji kamell le o kourepen. Leskre laba hi har djet, oun činenn har rhare.

Debleskri gili 35:25

Mouk len gar an pengre djia te penell: “Dik! Men hi, hoy kamam. Kanna rhah mer les djides!”

Debleskri gili 35:19

Ma mouk, te sanenn kolla pral mande, kay kamenn mange čilačepen, ninna te krom me len či. Ma mouk len i yakentsa te dell pal mande!

Debleskri gili 10:11

An peskro dji penell lo peske: “O Devel djinell kova gar. Yob das gar yak pre oun dikell či.”

Debleskri gili 9:19

O Devel bistrell o čorveles gar – an kek tsiro. I bibarhtele nay djinenn, te vell i tsiro, kay venn le barhtelo.

Esra 9:8

Kanna vas men i tikno tsiro baro kamlepen dino toutar, maro baro Deblestar. Tou moukal menshen mendar djides oun anal men pale kote, kay tou khere hal, te djivas mer kote kek trashah. Doleske sanenn mare yaka, oun nevo djipen hi an mende, ninna te ham gomme boudepangre.