Debleskri gili 124:1 - O Debleskro Lab 2024 (Sinte-Manouche)

¹ I gili o Davidestar te givell ap o drom an Yerusalem. Hoy vals, te vals o baro Devel gar ap mari rig? Pen les mange, tou Israel!

O Debleskro Drom 2021 (Sinte)

¹ I gili o Davidestar te giwell ap o drom an Jerusalem. Hoi wals, te wals o baro Dewel gar ap mari rig? Pen les mange, tu Israel!

Debleskri gili 124:1 Referans Kwoze

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

Debleskri gili 56:9

Dik, har boud divessa hom me ap o naashepen! Le mire sva an i čaro khetne! Pash toute hi le lauter pre-činlo an i liil.

Debleskri gili 54:4

Miro Devel, shoun miro mangepen! Shoun o rakepen, hoy dran miro mouy vella!

Debleskri gili 120:1

I gili te givell ap o drom an Yerusalem. Har djas mange djoungeles, dom gole ap o baro Debleste, oun yob shounas man.

Debleskri gili 94:17

Vals o baro Devel gar ap miri rig, voms me yaake mishto har moulo.

Debleskri gili 121:1

I gili te givell ap o drom an Yerusalem. Me dikau pre ap i berge. Kay vell kova, kay vell mange ap i rig?

Debleskri gili 125:1

I gili te givell ap o drom an Yerusalem. Kolla, hoy ap o baro Debleste patsenna, hi har i berga Sion, hoy zoreles tardo hi, oun ačell hake tsirenge.

Debleskri gili 46:7

Yob te dell gole, darenna i menshe an i vavar themma, oun bare rayenge vell i zoor krik lino pral pengre themma. I tseli phoub trissella i daryatar.

Debleskri gili 27:1

I gili o Davidestar. O baro Devel hi mange i momeli, oun yob hi kova, hoy man vin lella dran i vasta čilače menshendar. Kekestar hounte darap man. O baro Devel rikrell man an o djipen. Kekestar hounte trashap me.

Debleskri gili 127:1

I gili o Salomestar te givell ap o drom an Yerusalem. Te krell o baro Devel gar o kheer, palle boudrenn i boudepangre čičeske. Te dell o baro Devel gar yak ap o foro, palle hi čičeske, te denn morsha yak ap o foro.

Debleskri gili 129:1

I gili te givell ap o drom an Yerusalem. Boud kope kran le mange o djipen phares yaake rah har djivau, – kova hounte penell o kheer Israel –

Debleskri gili 130:1

I gili te givell ap o drom an Yerusalem. Dran o telstunepen miro djiyestar dau me gole ap toute, baro Debleste.

Debleskri gili 128:1

I gili te givell ap o drom an Yerusalem. Barhtelo hi hakeno, kay djivell o baro Debleha, oun djal ap leskro drom.

Debleskri gili 133:1

I gili o Davidestar te givell ap o drom an Yerusalem. Dikenn, har mishto oun shoukar hi, te djivenn phrala an o lačepen khetne.

Debleskri gili 126:1

I gili te givell ap o drom an Yerusalem. Har anas men o baro Devel pale pash i berga Sion, hams mer har save, hoy souni denna.

2. Mose 15:1

An kova tsiro givas o Mose oun i Israelitarya kaya gili, oun yon penan: Me kamau te givap i gili o baro Debleske. Baro oun zorelo hi lo! Graya oun morsha vitsras lo an o baro pani.

Debleskri gili 132:1

I gili te givell ap o drom an Yerusalem. Baro Devel, ma biste o Davides oun ko tselo pharo koova, hoy lo ap peste las.

Debleskri gili 123:1

I gili te givell ap o drom an Yerusalem. Ap toute dikau pre, kay tou an o bolepen khere hal.

Debleskri gili 122:1

I gili o Davidestar te givell ap o drom an Yerusalem. Miro dji givas, har yon penan: Mer djah pash o baro Debleskro kheer.

Debleskri gili 46:11

“Moukenn tele”, dell lo gole, “oun hayvenn, te hom me o Devel. Me hom o pralstouno pral i menshende an i tsele themma, ava, o pralstouno pral i tseli phoub.”

Debleskri gili 134:1

I gili te givell ap o drom an Yerusalem. Stenn pre! Sharenn o baro Debles, t'mer tsele boudepangre o baro Deblestar, kay han tardo rati an o baro Debleskro kheer!

Debleskri gili 131:1

I gili o Davidestar te givell ap o drom an Yerusalem. Baro Devel, me hom gar pre-phourdo, oun mire yaka dikenn gar tele ap i vavarende. Me kamau gar baro koova, vitar gar savo koova, hoy dour pral mande hi.

1. Mose 31:42

O Devel miro dadestar, kay ninna o Abrahameskro Devel hi, oun kolestar trashell miro dad Isaak, te vals ko Devel gar ap miri rig, čačepah, moukals man čorveles te djal. O Devel dikas, har marom man touke tele oun har pharo miri boudi his. Doleske his yob taysar rati ap miri rig tardo.”

Debleskri gili 56:10

Ap ko dives, kay dau ap toute gole, hounte djan kolla pale, kay kamenn man te marell. Kava hi, hoy djinau: Tou hal mantsa, miro Devel.