Debleskri gili 120:4 - O Debleskro Lab 2024 (Sinte-Manouche)

⁴ Yagengre fayle dell i kourepaskro karye ap t'mende!

O Debleskro Drom 2021 (Sinte)

⁴ Jagengre faile dell i kurepaskro karje ap tumende!

Debleskri gili 120:4 Referans Kwoze

Gosewe laba 19:9

Kova, kay rhorhras, har penas lo, hoy lo dikas oun shounas, kova lell peskri phagi. Oun kova hoy rhorhepen pre anell, kova nashrell peskro djipen.

Gosewe laba 18:21

Kol laba, hoy yek rakrell, nay anenn leske o merepen oun ninna o djipen. Oun kova, kay boud rakrell, dikella, hoy leskre laba leske dren anenn.

Gosewe laba 19:5

Kova, kay rhorhras, har penas lo, hoy lo dikas oun shounas, kova lell peskri phagi. Oun kova kay rhorhepen pre anas, kova vell tapedo oun nay nashell gar peske.

Gosewe laba 16:27

I čilačo mensho rodell i drom, har nay doukrell lo i vavaren. Hoy lo rakrell, rhačell har yag.

Debleskri gili 45:5

Besh tout ap tiro gray! Dja trouyel an o them oun kre o čačepen zoreles! Le i čorvelengro koova an tiro vast oun kre, te lenn le pengro čačepen! Yaake krell tiri čači moussi baro zorelo koova.

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.

Gosewe laba 12:22

O baro Devel dikell rhoyedes ap kolende, kay rhorhenna. Lačes dikell yob ap kolende, kay krenn o čačepen.

Gosewe laba 11:18

I čilačo mensho lell peske sau koova khetne, hoy leske gar ačell. Koon an o čačepen peskri boudi krell, lell i playsepen, hoy ačell.

Gosewe laba 11:12

Koon praasell o vavares, hi narvelo. I gosevo morsh rikrell peskro mouy.

Gosewe laba 11:9

Yek, kay kamell či o Deblestar te djinell, anell peskro rakepah i vavaren o Debleskro dromestar tele. Kolla, kay an o čačepen tardo hi, lenn pengro gosevo rakepah vavaren dran o merepen vin.

Debleskri gili 59:7

Haki rat venn le pale oun nashenn čorrhanes troul o foro. Har djoukle denn le gole.

Debleskri gili 57:4

Dran o bolepen mou vell lo mange ap i rig, oun lell man vin dran o praasepen kolestar, kay man palla lell. O Devel mou sikrell man, te hi lo mange lačo, oun te rikrell lo pash mande.

Debleskri gili 52:5

Tou kameh o čilačepen boudeder har o lačepen. Oun o rhorhepen kameh tou boudeder har o čačepen.

Debleskri gili 7:13

Čačepah, pale las o čilačo peskro rharo, oun hadell peskro bogo, te dell lo karye.

Gosewe laba 18:8

Te shounah djoungelo rakepen pral i vavarende, hi kova menge har shoukar rhapen, oun djal menge tele har djet.

Jeremia 9:7

Lengro rakepen hi har fayle, hoy anenn o merepen. Peskro mouyeha rakrell hakeno kamles, an o dji lourell yob, har te taprell lo o vavares.