Debleskri gili 12:6 - O Debleskro Lab 2024 (Sinte-Manouche)

⁶ “Kanna”, penell o baro Devel, “stau me pre. Ap i čorvelende djan le zoryah. Me shounom lengro ropen. Kanna rikrau mire vasta pral hakeneste, kay peskro tselo djiyeha kamell, te vap ap leskri rig.”

O Debleskro Drom 2021 (Sinte)

⁶ “Kanna”, penell o baro Dewel, “stau me pre. Ap i tchorwelende djan le sorjah. Me shunom lengro ropen. Kanna rikrau mire wasta pral hakeneste, kai peskro tselo djijeha kamell, te wap ap leskri rig.”

Debleskri gili 12:6 Referans Kwoze

Gosewe laba 30:5

O Devel rikrell hako lab, hoy das lo. Yob rikrell peskre vasta pral kolende, kay venn pash leste, te dell lo yak ap lende.

Debleskri gili 18:30

Ava, khetne touha nay djau me an o kourepen. Khetne miro Debleha nay stau me pral bare pre-čidde barra.

2. Samuel 22:31

I tsele dromma, kay o Devel man anella, hi lačo. Leskre laba hi lačo oun čačo. Yob rikrell peskro vast pral hakeneste, kay vell pash leste.

Debleskri gili 19:8

O baro Debleskre laba hi lauter čačo oun krenn mare djia zorelo. O baro Debleskro rakepen hi lačo, oun krell i dinelen gosevo.

Debleskri gili 66:10

Tou, maro Devel, kamal te dikell, har maro dji ap toute rikrell. Doleske kral tou mentsa har o roupeha, hoy an yag thodo vell, te vell lo djoudjo.

Debleskri gili 119:140

Tire laba hi lačo oun čačo, oun me, tiro boudepaskro, kamau len miro tselo djiyeha.

2. Mose 3:7

Oun o baro Devel penas: “Me dikom har djoungelo mire menshenge djala an o them Egiptia. Me shounom lengri gole, har dan i pralstoune rhale len dava. Me prindjrau lengre douka.

2. Mose 3:8

Me vom tele, te lap len dran o vast kol menshendar an o them Egiptia vin, oun anau len dran kava them vin oun dau len i lačo oun baro them, kay hi boud thoud oun gvin. An ko them djivenn kanna i Kanaanitarya, i Hetarya, i Amorarya, i Perisarya, i Hivarya oun i Yebousarya.

2. Mose 6:1

Koy penas o baro Devel ap o Mose: “Kanna dikess tou, hoy me o Faraeske krau. Dran miri bari zoor moukell lo len te djal. Miro vast vell yaake zorelo ap leste, te tradell lo len dran o them vin.”

Hiob 20:19

I čorvelen rikras lo tele, oun vas lenge gar ap i rig. Yob tradas menshen dran pengre khera, te lell lo peske kol khera, hoy yob gar kras.

Hiob 28:1

Tel i phoub nay hatsenn le roup. Oun o sonakay, les hi i platsa, kay thovenn le les vin.

Debleskri gili 9:13

Kova, kay bistrell gar te dell lo kolen i phagi, kay lan i rateskri doosh ap pende. Yob shounell i gole oun o mangepen kolendar, kay čorvelo oun palla lino hi.

Debleskri gili 76:10

har o Devel pre stas, te rakrell lo o čačepen vin, oun te vell lo halauterenge ap i rig, kay tikno rikedo van ap kay phoub.

Gosewe laba 22:23

O baro Devel lell lengro koova an o vast. Oun kova, kay len vin randas, koleske lell yob o djipen krik.

Jesaja 14:22

O baro Devel, ko ray pral o bolepen oun i phoub, penell: Me hadau man pre ap i menshende an o foro Babilon. Leskro lab vell bistedo. Oun kek lendar ačell djido, vitar gar lengre čave oun čavengre čave.

Jesaja 33:10

“Kanna kamau me pre te stell”, penell o baro Devel. “Kanna hadau man oun sikrau miri zoor.”