Debleskri gili 12:5 - O Debleskro Lab 2024 (Sinte-Manouche)

⁵ oun penenna: “Mer hayvah te rakrell. Maro rakepah ham zoreles. Koon hi o pralstouno pral mende?”

O Debleskro Drom 2021 (Sinte)

⁵ un penenna: “Mer haiwah te rakrell. Maro rakepah ham soreles. Koon hi o pralstuno pral mende?”

Debleskri gili 12:5 Referans Kwoze

Debleskri gili 34:6

Kolla, kay ap leste dikenna, lengre yaka venna har i momeli, oun yon hounte ladjenn pen gar.

Gosewe laba 14:31

Koon zoryah i čorveles tele rikrell, kova praasell koles, kay o čorveles kras. Kones leske i baro dji hi, sharell o Debles.

Jakobo 5:4

Shounenn! T'mer rhorhran t'mare boudepangren, kay boudran ap t'maro them, oun dan len kek love. Kolla denn gole ap o bolepen. Lengri gole shounell o Devel, ko ray pral o bolepen oun i phoub.

Jesaja 33:10

“Kanna kamau me pre te stell”, penell o baro Devel. “Kanna hadau man oun sikrau miri zoor.”

Hiob 5:15

O Devel lell o čorveles dran o čilačo rakepen vin, oun dran o vast o zorleder tserdell lo les vin.

Debleskri gili 10:12

Ste pre, baro Devel! Mo Devel, hade tiro vast! Ma biste i čorvelen!

Hiob 5:21

Yob khatrell tout glan o rakepen, hoy i čilače čipya rakrenn. Te vell i kourepaskro tsiro, hounte vell tout kek daar.

Jesaja 19:20

Ko bar sikrella, te hi o baro Devel ninna an o them Egiptia, yob, kay hi o ray pral o bolepen oun i phoub. Oun te denn le ap o baro Debleste gole, te lell lo len vin dran i vasta kolendar, kay rikrenn len tele, palle bičrell lo lenge yekes, kay lell lengro koova an o vast, oun lell len vin dran lengre vasta.

Ezekiel 18:18

Leskro dad, kova, kay rhorhras i vavaren, oun las peske zoryah, hoy i vavares hi, oun kras vavar čilačo koova mank peskre menshende, kova hounte merell ko tselo čilačepaske, hoy lo kras.

Sikepaskro 5:8

Hi feteder o themeske, te hi les i baro ray, kay dikell koy pre, te vell ap o harhetikro them boudedo, te vell i menshen doha djipaske.

Sikepaskro 4:1

Palle dikom halauter, hoy gar čačo hi ap i phoub. Me dikom i sva kolendar, kay dan le lenge gar lengro čačepen, oun kolenge kek ap i rig vas. Kolla, kay kran lenge čilačepen, his zorelo. Doleske vas kek ap lengri rig.

Debleskri gili 10:18

Oun tou deh o čačepen i čorvelenge oun kolenge, kay len kek dad bouder hi, yaake te nay krell bouder kek mensho i vavarenge daar ap kay phoub.

Debleskri gili 10:5

Lauter djal leske, har yob kamella. Te deh tou leste i phagi, patsell lo kova gar, yaake dour hal tou lestar krik. Yob čoungrell ap lauterende, kay leske an o drom tardo hi.

Čačepangre 10:16

Oun yon vitsran kol vavar deblen pendar krik oun mangan o baro Debles an. Koy khaytas les, te vell o Israeleske yaake pharo kerdo.”

2. Mose 5:2

Oun o Farao penas ap o Moseste oun ap o Aroneste: “Havo devel hi kova, kay me shounap ap leste? Hoske moukap me i Israelitarya te djal? Me prindjrau ko debles gar, oun me moukau gar i Israelitaryen te djal.”

Debleskri gili 31:19

kolla rhorhene, kay hi pre-phourde oun praasenn kolen, kay an o čačepen tardo hi.

Debleskri gili 73:8

Lenge hi či moldo. Yon rakrenn pral lauter čilačes. Bare labentsa rikrenn le i menshen tele.

Gosewe laba 18:21

Kol laba, hoy yek rakrell, nay anenn leske o merepen oun ninna o djipen. Oun kova, kay boud rakrell, dikella, hoy leskre laba leske dren anenn.

Hosea 7:16

Yon rissrenn pash i debleste, koles kek zoor hi. Yon hi har i bango bogo, koleha kek faylo kote djal, kay te djal lo. Lengre pralstoune hi bare mouyengre. Doleske venn le maredo o rhareha. Palle san i Egiptarya pral lende.