Debleskri gili 12:2 - O Debleskro Lab 2024 (Sinte-Manouche)

² Baro Devel, ab ap miri rig! Tire menshe hi bouder gar boud. Ava, kolla, kay patsle hi mank i menshende, hi gar boud.

O Debleskro Drom 2021 (Sinte)

² Baro Dewel, ab ap miri rig! Tire menshe hi buder gar bud. Awa, kolla, kai patsle hi mank i menshende, hi gar bud.

Debleskri gili 12:2 Referans Kwoze

Remarja 16:18

Save menshe boudrenn gar maro rayeske, o Yezous Kristeske. Na-a, yon krenn, hoy lenge kokres mishto hi. Shoukar labentsa oun baro rakepen anenn le kolen o Debleskro dromestar tele, kay denn gar yak.

Jeremia 9:8

Dap me save menshen kek phagi, penell o baro Devel. Moukap me kal menshen yaake te djal, oun krap lenge či?

Debleskri gili 41:6

Kolla, kay kamenn mange čilačepen, rakrenn djoungeles pral mande oun penenna: “Kaana merell lo, te vell leskro lab bistedo?”

Debleskri gili 144:8

Kolengro mouy rhorhepen rakrella, ninna te denn le pen sovel.

Debleskri gili 10:7

Yob koshell, rhorhell oun dell trad. Leskro rakepen anella douka oun bibarht.

Debleskri gili 5:9

Baro Devel, sike man o drom, hoy čačo hi glan toute! Kre mange o drom, hoy te djap! Mouk kolen te dikell, kay mange čilačepen kamenna, kay hal tou ap miri rig!

Jakobo 1:8

Palle hi tout douy djia, oun djineh gar, hoy kameh, vitar gar, hoy hounte kress.

Debleskri gili 28:3

Ma kre mantsa har i čilačentsa oun kolentsa, kay krenn i vavarenge čilačepen, kay rakrenn lačes, oun an lengro dji hi čilačepen!

1. Tessalonikarja 2:5

T'mer djinenna, mer rakram t'menge gar pal o mouy. Vitar gar penam o Debleskro lab, te las love i menshendar. O Devel djinella, me penau o čačepen.

Ezekiel 12:24

Palle dikell kek mank i Israelitarya čomone glan-vi, hoy či-moldo hi. Vitar kek penell laba glan-vi, hoy i menshe kamenn te shounell, oun hoy venn gar o Deblestar.

Gosewe laba 29:5

Kova, kay makell i vavareske gvin troul o mouy, kova čivell i netsa khatedo vin glan koleskre pire.

Gosewe laba 20:19

Kova, kay djal trouyel oun rakrell djoungelo koova pral vavarende, phoukrell ninna vin, hoy i vavar leske čorrhanes penan. Doleske rike tout pale kolestar, kay nay rikrell gar peskro mouy.

Debleskri gili 144:11

Tape man, oun le man vin dran i vasta kol vavar menshendar! Kolengro mouy rhorhepen rakrella, ninna te denn le pen sovel.

Debleskri gili 62:4

Har rah djan t'mer lauter ap yek morsheste, te denn les moulo? Hom bouder či har i bango kheer, hoy kamell dren te phagell, oun koleskre barra bouder gar khetne rikrenna.

Debleskri gili 55:21

O phoukepaskro djal ap peskro maleste pre oun rikrell gar peskri sovel, hoy das lo leste glan o Debleste.

Debleskri gili 59:12

Ma de len moulo, te bistrenn kova mire menshe gar! Trade len tiri zoryah, te nashenn le kate te kote! Stake len tele, tou, kay rikreh tiro vast pral mende.

1. Familjakro liil 12:33

Dran o kheer Issakar, 200 pralstoune, kay dikan nay, hoy o Israel hounte krella, oun kaana o čačo tsiro koleske vas. Lengre tsele phrala shounan ap lengro lab.

Debleskri gili 38:12

Mire mala oun mire menshe darenn glan miro nasslepen. Oun kolla, kay pash mande djivenna, hi dour mandar krik tardo.

Debleskri gili 116:11

Homs yaake phagedo, te penom: “I tsele menshe hi rhorhene.”

Gosewe laba 20:6

Boud menshe sharenn pen pengro lačepah. Nay hatseh čačepah i morshes o labestar?

Jeremia 7:28

Doleske pen ap lende: t'mer han kal menshe, kay shounan gar ap lengro baro Debleste. Oun t'mer moukenn t'men či te penell. O čačepen hi moulo. Kek rakrell bouder pral o čačepen.

Micha 7:2

Kek, kay o Debleskro drom djal, hi bouder an kava them. Kek dell mank i menshende, kay an o čačepen tardo hi. Yek rodell, har te marell lo o vavares. Oun hakeno lell o vavares palla, te taprell lo les.