Debleskri gili 119:88 - O Debleskro Lab 2024 (Sinte-Manouche)

⁸⁸ Tou hal yaake lačo, de man pale nevi zoor, te rikrap tire laba, hoy sikrenn menge har te djivas.

O Debleskro Drom 2021 (Sinte)

⁸⁸ Tu hal jaake latcho, de man pale newi soor, te rikrap tire laba, hoi sikrenn menge har te djiwas.

Debleskri gili 119:88 Referans Kwoze

Debleskri gili 25:10

I tsele dromma hi lačo oun čačo, kay o baro Devel kolen anell, kay rikrenn pen ap leskre laba oun krenn, hoy yob lenge penell.

Debleskri gili 119:40

Pen mange, hoy te krap touke! Tou hal an o čačepen tardo. De man pale nevi zoor an miro djipen!

Debleskri gili 119:25

An i čik hom vitsedo. De man pale nevi zoor yaake har tou mange penal!

Debleskri gili 119:159

Dik, har me kamau tire laba, hoy menge penenn, hoy te kras mer. Baro Devel, tou hal yaake lačo, de man pale nevi zoor!

Debleskri gili 119:146

Ap toute dom me gole. Ab ap miri rig! Me kamau man te rikrap ap tire laba, hoy mende sikrenn, har te djivas.

Debleskri gili 119:2

Har barhtelo hi kolla, kay yaake djivenn, har yob lenge sikras, oun pengro tselo djiyestar ap leste shounenn.

Debleskri gili 78:5

Yob sikras o Yakobeskre čavende, har te djivenn le. Oun sikras i Israelende peskro drom. Mare phourenge penas lo, te sikrenn yon pengre čavende, har te djan le leskro drom.

Debleskri gili 132:12

Te rikrenn tire čave ap mande oun mire laba oun krenn, hoy me lenge penau, palle venn ninna lendar bare raya, yaake te vell hako tsiro yek tire čavendar baro ray.

Debleskri gili 119:124

Ab lačes mange, kay tiro boudepaskro hom, oun sike mange, hoy tou mandar kameh.

Debleskri gili 119:149

Shoun man, hoy me penau! Baro Devel! Tou hal yaake lačo! De man pale nevi zoor tire čačepaskre labentsa!