Debleskri gili 119:2 - O Debleskro Lab 2024 (Sinte-Manouche)

² Har barhtelo hi kolla, kay yaake djivenn, har yob lenge sikras, oun pengro tselo djiyestar ap leste shounenn.

O Debleskro Drom 2021 (Sinte)

² Har bachtelo hi kolla, kai jaake djiwenn, har job lenge sikras, un pengro tselo djijestar ap leste shunenn.

Debleskri gili 119:2 Referans Kwoze

Jeremia 29:13

T'mer rodenn man oun hatsenn man. Te rodenn man t'maro tselo djiyeha,

Debleskri gili 119:10

Miro tselo djiyeha rodau tout. Ma mouk man te moukap tire laba.

5. Mose 4:29

An kol themma rodenn t'mer palle o baro Debles, kay t'maro Devel hi. Te poučenn pal leste t'maro tselo djiyeha oun t'mari tseli zoryah, hatsenn t'mer les.

Johanni 14:23

Koy penas o Yezous ap leste: “Te kamell man yek o djiyestar, kova krell, hoy me penau. Koles kamell miro dad. Oun mer vah pash leste oun ačah pash leste.

Debleskri gili 25:10

I tsele dromma hi lačo oun čačo, kay o baro Devel kolen anell, kay rikrenn pen ap leskre laba oun krenn, hoy yob lenge penell.

Ezekiel 36:27

Me dau miro dourho an t'mende, oun me krau save menshe t'mendar, kay krenn, hoy t'mendar kamau, oun djivenn pal mire čačepaskre laba, oun rikrenn len dren.

Gosewe laba 23:26

Miro čavo, kre tiro dji mange pre, oun dja ap mire dromma!

5. Mose 6:17

Rikrenn mishto o baro Debleskre laba oun djivenn yaake, har t'maro Devel t'menge sikras. Krenn, hoy yob t'mendar kamell!

2. Familjakro liil 31:21

Oun halauter, hoy yob kras, te vell koy boudi an o Debleskro kheer yaake kerdo har glan činlo hi, kova kras lo peskro tselo djiyeha. Yob rodas, te krell lo, hoy peskro Devel lestar kamas. Doleske moukas o baro Devel kova leske mishto te djal.

1. Rajengro liil 2:3

Djib tiro djipen glan tiro baro Debleste! Dja ap leskre dromma! Kre, hoy o Devel toutar kamell, oun rike tout ap leskre laba oun ap leskro čačepen! Djib yaake, har yob mende sikras an o Moseskre lila. Palle djal touke halauter mishto, hoy kreh, oun kay tou ninna djah.

1. Johanni 3:20

Ninna te penell menge maro dji: “Tou djival gar yaake, har hounte vess,” palle hi o Devel bareder har maro dji, oun djinell lauter.

Debleskri gili 105:45

Kava kras lo, te rikrenn le leskre laba, oun shounenn ap kova, hoy yob lenge penas. Sharedo vell o baro Devel!

5. Mose 6:5

Tou kamess les tiro tselo djiyestar oun tiro tselo djipah oun tiri tseli zoryah.

Debleskri gili 119:22

Mouk kek ladj ap mande te vell! Mouk len gar pral mande te sal! Me djau miro drom yaake har tou mange sikral.

Debleskri gili 119:146

Ap toute dom me gole. Ab ap miri rig! Me kamau man te rikrap ap tire laba, hoy mende sikrenn, har te djivas.

1. Familjakro liil 22:19

Kanna denn t'maro djipen oun t'maro dji o baro Debleste, kay t'maro Devel hi! Oun stenn pre oun krenn leske i kheer, kay leske kokres hi. Kote te vell o morhton o baro Debleskre deesh labentsa dren čiddo, ninna ko vavar Debleskro koova. Kava kheer krenn t'mer, te vell o baro Devel sharedo.”

Debleskri gili 119:17

Ab lačes ap mande, tiro boudepaskro, te djivap oun rikrap tiro lab.

Debleskri gili 119:33

Sike tou man, baro Devel, har te krap kova lauter yaake, har tou mandar kameh, te djivap miro tselo djipen yaake, har tou kameh.

Debleskri gili 119:34

Mouk man lauter hayvell, te dap yak ap tiro drom, oun shounap ap toute o tselo djiyestar.

Debleskri gili 119:57

Me penom mange: O baro Devel hi o pralstouno an miro djipen. Pal leskre laba kamau te djivell.

Debleskri gili 119:69

Kol pre-phourde anan rhorhepen pre ap mande. Miro tselo djiyestar krau me kova, hoy tou menge penal.

Debleskri gili 119:88

Tou hal yaake lačo, de man pale nevi zoor, te rikrap tire laba, hoy sikrenn menge har te djivas.

Debleskri gili 119:101

Hako čilačo dromestar rikrom mire herya pale, te rikrap tiro lab.

Debleskri gili 119:115

Djan pale mandar, t'mer, hoy krenn o čilačepen! Me rikrau ap i laba miro Deblestar.