Debleskri gili 118:17 - O Debleskro Lab 2024 (Sinte-Manouche)

¹⁷ Me merau gar. Na-a, ačau djido, oun penau i menshenge, hoy o baro Devel lauter kras.

O Debleskro Drom 2021 (Sinte)

¹⁷ Me merau gar. Na-a, atchau djido, un penau i menshenge, hoi o baro Dewel lauter kras.

Debleskri gili 118:17 Referans Kwoze

Johanni 11:4

Har o Yezous kova shounas, penas lo: “Kava nasslepen vas gar ap leste, te merell lo. Yob vas nasselo, te dikenn t'mer, havi bari zoor o Debles hi, oun te vell o Debleskro čavo sharedo.”

Debleskri gili 73:28

Mange hi mishto, te rikrap man ap miro Debleste. Te vap pash toute, miro ray, baro Devel, kova hi miri barht, te rakrap halauterestar, hoy tou kral.

Debleskri gili 6:5

Risse trouyel, baro Devel, oun le man vin! Tou hal yaake lačo, le man vin!

Habakuk 1:12

[Me penom:] Tou, miro baro Devel, hal kokres o čačo Devel, oun hal hako tsireske koy! Mouk men gar te merell! Baro Devel, pash toute khatrah men, tou dal len gole, te denn le menge i phagi, ava, tou bičral len, te denn le men dava.

Debleskri gili 145:4

Ninna mare čavengre čave sharenn, hoy tou kral, oun rakrenn pral tiro zorelo koova.

Debleskri gili 107:22

Ninna hounte anenn le leske shoukar koova, te parkrenn le pen pash leste. Oun i barhtelo djiyeha hounte rakrenn le kolestar, hoy yob lenge kras.

Debleskri gili 40:10

Kote, kay lauter khetne venna, penau me lenge, kay tou leh vin dran o čilačepen. Miro mouy pandau me gar. Tou, baro Devel, djineh kova.

Debleskri gili 40:5

Barhtelo hi ko mensho, kay rikrell pes ap o baro Debleste, oun djal gar kolentsa, kay hi pre-phourde oun rhorhene.

Jeremia 51:10

[I Israelitarya penenn:] O baro Devel sikras, kay ham an o čačepen tardo. Avenn, te djas ap i berga Sion, te penas, hoy maro baro Devel lačo koova kras.

Debleskri gili 119:13

Me penau i vavarenge, har tou o čačepen vi-rakral.