Debleskri gili 113:7 - O Debleskro Lab 2024 (Sinte-Manouche)

⁷ Koles, kay či hi, hadell lo dran i čik vin, oun o čorveles hadell lo pre dran i yagakri čik,

O Debleskro Drom 2021 (Sinte)

⁷ Koles, kai tchi hi, hadell lo dran i tchik win, un o tchorweles hadell lo pre dran i jagakri tchik,

Debleskri gili 113:7 Referans Kwoze

Debleskri gili 107:41

I čorvelen las lo vin dran lengri bibarht, oun kras, te van yon pale boud, yaake har bakre, hoy venn boud oun boudeder.

Ezekiel 17:24

Oun i tsele rouka an o them dikenn oun hayvenn, te hom me o baro Devel. I baro roukes krau tikno, oun i tikno roukes krau baro. I zenelo roukes moukau tele te merell, oun i trouk roukes zenelo te vell. Me, o baro Devel, penau kova, oun krau kova ninna.

Hiob 5:11

Yob krell kolen baro, ap kolende i vavar tele dikan. Oun kolenge ropaske hi, kolen krell lo barhtelo.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

Jesaja 26:19

Baro Devel, mouk tire moulen djides te vell! Mouk len pre te stell! T'mer, kay van paskedo, stenn pre dran o sopen oun denn gole i barhtyatar! Tou, baro Devel, hal har brishin, hoy dell djipen ap i phoub. Doleske dell i phoub i moulen pale vin.

Hiob 2:8

Oun o Hiob las i kotar i paash-dino khorestar, te rhandjrell lo pes koleha. Oun yob his beshdo mashkral i yagakri čik.

Debleskri gili 22:15

Miri zoor hi vin čoredo har pani, mire tsele kokale rikrenn bouder gar khetne, Miro dji nashras peskri zoor, har i momeli hoy tele rhačras.

1. Samuel 24:14

Tou prindjreh, har mare phoure penan: Dran i čilačende vell o čilačepen. Me taprau tout gar an.

1. Rajengro liil 16:2

Me hadom tout pre dran i čik, oun krom, te vess o ray pral mire menshende Israel. Oun tou hal har o Yerobeam: oun aneh mire menshen Israel miro dromestar tele. Te dikau kova, vau rhoyedo koy pral.