Debleskri gili 113:6 - O Debleskro Lab 2024 (Sinte-Manouche)

⁶ Yob hi beshdo an o pralstunepen, oun dikell tele ap o bolepen oun i phoub.

O Debleskro Drom 2021 (Sinte)

⁶ Job hi beshdo an o pralstunepen, un dikell tele ap o bolepen un i phub.

Debleskri gili 113:6 Referans Kwoze

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Debleskri gili 138:6

Ava, ninna te hal yaake dour pral halauter, dikeh tou kolen, kay tele rikede hi. Oun kol pre-phourden prindjreh foun doural.

Debleskri gili 11:4

O baro Devel hi an peskro raylo baro kheer. Leskro rayeskri beshepaskri hi an o bolepen. Leskre yaka dikenna tele ap i menshende, oun yob lell len an o yak.

Jesaja 66:2

Me, o baro Devel, krom miro vasteha kova lauter, hoy koy hi. Oun me dikau kamles ap koleste, kay hi tele rikedo oun phagedo an peskro dji, oun kay darell glan miro lab.

Jesaja 6:2

Yagengre bolepangre his pral leste tardo, hakenes lendar his shob moussya har čirklengre moussya: douyentsa čakran le pengre yaka, douyentsa čakran le pengre pire oun douyentsa hadan le pen an o bolepen.

Hiob 15:15

Ninna leskre bolepangren nay patsell lo gar. Oun o bolepen hi gar djoudjo glan leskre yaka.

Hiob 4:18

O Devel nay patsell gar peskre boudepangren an o bolepen. Oun ap leskre bolepangre hatsell lo doosh.

Hiob 28:24

Yob hi kova, kay dikell ap i tseli phoub, yaake dour har djal li, oun lauter, hoy ap late hi.

Debleskri gili 33:14

Yob hi beshdo ap peskri rayeskri beshepaskri oun dikell ap lauterende, kay ap i phoub djivenna.