Debleskri gili 112:4 - O Debleskro Lab 2024 (Sinte-Manouche)

⁴ Ninna an i kali rat vell i momeli kolenge, kay o čačo drom djan, kolenge, kay hi lačo oun kamlo oun djan pal o čačepen.

O Debleskro Drom 2021 (Sinte)

⁴ Ninna an i kali rat well i momeli kolenge, kai o tchatcho drom djan, kolenge, kai hi latcho un kamlo un djan pal o tchatchepen.

Debleskri gili 112:4 Referans Kwoze

Hiob 11:17

Oun pral tiro djipen djal o kham pre, oun hi zorelo har mashkral dives. Ninna te hi kanna tamlo, vell i nevo dives.

Jesaja 58:10

Tou dess tiro maro koles, kay bokell, oun dess koles, kay les gar doha djipaske hi, lauter, hoy les hounte vell. Palle djal touke o kham pre an o kalepen, kay tou djiveh. Oun tiri rati vell har o mashkral-dives.

Debleskri gili 97:11

I momeli djal pre koleske, kay an o čačepen tardo hi. Oun barhtelo vell kova, kay o čačo drom djal.

1. Johanni 3:7

Čovale, moukenn t'men kekestar o Debleskro dromestar tele te anell! T'mer hounte djinenna, kolla, kay krenna, hoy čačo hi glan o Debleskre yaka, kolla hi an o čačepen tardo glan o Debleste yaake har o Yezous an o čačepen tardo hi glan o Debleste.

Louka 6:36

T'men hounte vell hakeneske i baro dji, yaake har o Debles hakeneske i baro dji hi.

1. Johanni 2:29

T'mer djinenna: O Yezous Kristo kras, hoy čačo hi glan o Debleste. Yaake djinenn t'mer ninna: Kolla, kay krenn, hoy čačo hi glan o Debleste, kolla hi o Debleskre čave.

Efesarja 4:32

Avenn kamlo yek ap o vavareste, oun lenn i dji o vavareske! Bistrenn o čilačepen, hoy o vavar ap t'mende kras! Ninna o Devel bistras t'maro čilačepen, har o Yezous Kristo t'menge meras.

Debleskri gili 106:1

Sharedo vell o baro Devel! Parkrenn t'men pash o baro Debleste! Yob hi i lačo Devel. Leskro lačepen ačella hako tsireske.

Efesarja 5:9

Lauter kolla, kay ap leskro drom djana, krenn kova, hoy lačo oun čačo hi, oun penenn o čačepen.

Johanni 12:46

Me hom koy bari momeli, hoy vas ap kay phoub. Hakeno, koon ap mande patsella, ačell gar an i rati.

Debleskri gili 37:6

Oun yob moukell tiro čačepen pre te djal har o kham, oun moukell tiro čačepen diklo te vell har o kham mashkral o dives.

1. Johanni 3:10

Hakeno, kay gar kova krella, hoy hi čačo glan o Debleskre yaka, kova hi gar o Deblestar. Vitar gar hi kova o Deblestar, kay peskro phrales gar o djiyestar kamella. Ap kova dikell hakeno, koon o Debleskre čave hi, oun koon o bengeskre čave hi.

Efesarja 5:15

Denn yak koy pre, har t'mer t'maro djipen djivenna! Ma djivenn har dinele menshe! Djivenn har kolla, kay djinenna, hoy mishto hi!

Jesaja 50:10

Kova t'mendar, kay krell, hoy o baro Devel kamell, oun shounell ap leskro boudepaskro, kova nay djinell: Ninna te djivell lo an i kali rat oun dikell kek momeli glan peste, hi lo an o baro Debleskro vast. Oun kova krell leske halauter mishto.

Hiob 22:28

Hoy tou touke glan lal, kova djal touke mishto. Oun i momeli djal pre pral tire dromma.

Hiob 29:3

har leskri momeli pral miro shero his, oun me yaake an i kali rat nay trouyel djom,

Debleskri gili 116:5

O baro Devel hi lačo oun čačo, oun o djiyestar kamlo hi maro Devel.

Debleskri gili 145:17

An lauter, hoy o baro Devel krell, djal lo pal o čačepen. An lauter, hoy krell lo, hi lo lačo.

Gosewe laba 21:21

Kova, kay o čačepen oun o lačepen palla nashell, kova hatseh o djipen oun vell an-diklo.

Jesaja 58:8

Palle vell tiro čačepen glan har o kham taysarlakro. Oun tiro doukepen vell sik sasto. Oun hakeno dikell ko lačo oun čačo koova, hoy kral. Oun o baro Devel djal pal toute peskri zoryah oun dell yak ap toute.