Debleskri gili 109:12 - O Debleskro Lab 2024 (Sinte-Manouche)

¹² Kek te krell leske lačepen, oun kek krell peskro dji pre leskre čavenge.

O Debleskro Drom 2021 (Sinte)

¹² Kek te krell leske latchepen, un kek krell peskro dji pre leskre tchawenge.

Debleskri gili 109:12 Referans Kwoze

Jakobo 2:13

Ma bistrenn! Vell yek dives, kay rakrell o Devel o čačepen vin pral t'mende. Te hi yekes kek dji i vavareske, koleske hi o Debles vitar kek dji. Kones hi i dji i vavarenge, koles hounte vell kek daar ap ko dives, kay rakrell o Devel o čačepen pral i menshende vin.

Louka 6:38

Denn i menshen lačo koova! Oun o Devel dell t'men lačo koova! Ava, yob dell t'men yaake boud, te hi t'men boudeder har doha. Yob dell t'men yaake boud, te nay lenn kova gar lauter. Doleske penau t'menge: T'mer te denn boud, palle dell o Devel t'men boud. T'mer te denn gar boud, palle dell o Devel t'men gar boud.

Mateo 27:25

Oun kol tsele menshe penan: “Koy doosh vell ap mende oun ap mare čavende!”

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Jesaja 13:18

I terne morshen denn le karye moulo pengre bogentsa. Oun len hi kek dji i tikne čavenge; i čave khaytenn len gar.

Jesaja 9:17

O menshengro čilačepen hi har i yag, hoy rhal troul peste, oun rhačrell soubyengre bourra oun soubyengro zenlepen, oun ninna o tselo veesh. Oun pesso kalo yagakro dourho djal kote pre.

Hiob 5:4

Leskre čaven his kek barht an pengro djipen. Har anas yek čomone ap lende pre, his kek koy, kay vas ap lengri rig, oun las lengro koova an o vast.