Debleskri gili 102:2 - O Debleskro Lab 2024 (Sinte-Manouche)

² Baro Devel, shoun miro mangepen! Shoun, har dau ap toute gole!

O Debleskro Drom 2021 (Sinte)

² Baro Dewel, shun miro mangepen! Shun, har dau ap tute gole!

Debleskri gili 102:2 Referans Kwoze

Debleskri gili 69:17

Shoun man, mo baro Devel, tiro lačepen hi mishto mange. Kre tiro dji mange dour pre oun dik ap mande!

Jesaja 8:17

Me kamau ap o baro Debleste te dikell. Miro dji djal leske palla, ninna te khatras lo peskre yaka o Yakobeskre menshendar.

Debleskri gili 27:9

Ma dja touke mandar! Biče man, tiro boudepaskres, gar toutar krik an tiri rholi! Tou hal kova, kay vas mange ap i rig hako tsiro. Miro Devel, tou hal kova, kay man vin lell. Ma mouk man! Ma de man pre!

Debleskri gili 104:29

Tou te djah lendar krik, taprell len i daar. Tou te leh lendar o dourho, merenn le, oun venn pale čik.

Debleskri gili 70:1

I gili o rayeske pral i gipangre. O David kras kay gili, te bistrell les o Devel gar.

1. Korintarja 10:13

Della savo koova, hoy kamell t'men o Debleskro dromestar tele te anell. Dikenn, savo koova vas ninna ap vavar menshende. Te vell pharo koova ap t'mende, dell o Devel t'men koy zoor, te nay hidjrenn kova. Yob hatsell i drom, te venn pale kote vin.

Debleskri gili 143:7

Baro Devel, shoun man sik! Man hi bouder kek zoor. Ma khate tout mandar, te vap gar har kolla, kay hounte merenn.

Debleskri gili 71:2

Tou kreh, hoy čačo hi. Doleske ab tou ap miri rig oun le man vin dran i čilače vasta! Shoun miri gole oun rike man!

Jesaja 43:2

Te djah tou an o pani, me hom pash toute, te tassenn tout kol zorele panya gar. Oun te djah tou an i yag, palle rhačell li tout gar, oun nay krell touke či.

Debleskri gili 40:13

Haki rigyatar vas bibarht ap mande, yaake boud, te djinau gar, har boud kope i bibarht man das. Miri doosh tapras man, oun hi yaake boud, te nay dikap lat gar lauter. O čilačo koova, hoy krom, hi boudeder har mire balla ap miro shero, oun miro dji hi dareno.

Debleskri gili 31:2

Baro Devel, pash toute vau, te rikress tire vasta pral mande. Mouk man gar čičeske pash toute te vell! Tou hal lačo oun čačo. Doleske le man dran i čilače vasta vin!

Debleskri gili 22:19

Yon lenn penge mire koola oun khelenn vin, koon miri plaashka lell.

Debleskri gili 13:1

I gili o rayeske pral i gipangre. O David kras kay gili.

Hiob 34:29

Te rikrell pes o Devel pale, nay penell kek leske: Tou anal doosh ap toute! Te khatrell lo pes, nay dikell les kek. Hoy nay krenn i menshe, hoy nay krell i natsyona,

Hiob 7:21

Hoske leh tou ko čilačepen gar krik mandar, hoy krom, oun bistreh miri doosh? An i tikno tsiro vau tel i phoub. Te rodeh pal mande, hom me gar bouder koy.

Jesaja 65:24

Oun kava vell yaake: Yon dan gomme gar gole, koy dom man glan, oun yon rakrenn gomme, koy shounau me.

2. Mose 2:23

Pal i rah tsiro meras o baro ray pral o them Egiptia. Fothe phares hounte boudran i Israelitarya tel dava oun dan gole, te shounas len o Devel.

2. Mose 2:24

Oun yob shounas lengri gole, oun bistras gar ko lab, hoy das yob o Abraham, o Isaak, oun o Yakob, te vell lo lengro Devel oun yon peskre menshe.

Debleskri gili 17:1

I mangepen o Davidestar. Baro Devel, shoun, hoy toutar mangau: De man miro čačepen! De yak, har dau ap toute gole! Shoun miro mangepen, hoy vell dran i mouy, hoy gar rhorhella!