Daniel 7:2 - O Debleskro Lab 2024 (Sinte-Manouche)

² Me, o Daniel, dikom i dikepen an i rati: I baro dourho vas dran i star rigya i phoubyatar oun phourdas pral o baro pani, te vas lo divyo.

O Debleskro Drom 2021 (Sinte)

² Me, o Daniel, dikom i dikepen an i rati: I baro ducho was dran i star rigja i phubjatar un phurdas pral o baro pani, te was lo diwjo.

Daniel 7:2 Referans Kwoze

Debleskro tsiro 7:1

Oun pal kova dikom me star bolepangren. Kolla his tardo ap kol star rigya i phoubyatar, oun rikran ko zorelo dourho pale, hoy phourdell dran hake star rigya pral i phoub. Yon rikran les pale, te phourdell lo gar pral i phoub, vitar gar pral o baro pani, vitar gar pral i tsele rouka.

Debleskro tsiro 17:15

Oun o bolepaskro penas ap mande: “Tou dikal, kay beshell koy djouvel, hoy vi-ladjedo koova krell, pash boud panya. Kol panya hi menshe dran haki harmenatsyona, dran hako them, haki natsyona, oun hako rakepen.

Mateo 24:31

Oun yob bičrell peskre bolepangren pral i tseli phoub. Oun kolla phourdenn an i bashepangre, te anenn le dran hako them kolen khetne, kay o Devel peske vin rodas.

Jeremia 49:36

Hake star rigyendar moukau i phourdepen te vell, hoy vell pral lende, oun tradell len ap hake rigya, yaake te hi kek them ap kay phoub, kay hi kek menshe dran o them Elam tradedo.

Daniel 2:19

Oun an i rati dikas o Daniel i dikepen oun leske vas koy souni sikedo. Oun o Daniel sharas o bolepaskro Debles,

Daniel 7:7

Oun pal kova dikom an kava dikepen koy rati i starto firhes, hoy čilačeder oun divyeder his har kol vavar. Les his boud zoor oun sasterne danda, rhas troul peste oun dandras lauter paash. Oun kova, hoy pral ačas, stakras lo peskre pirentsa tel peste khetne. Oun yob his vavarčandes har kol vavar firhe, hoy glan leste his. Oun les his deesh shinga.

Daniel 7:13

Oun me dikom an kava dikepen an i rat yekes, kay vi-dikas har i mensho. Kova vas mank i volke bis pash ko phoureste, oun vas glan leste anlo.

Daniel 8:2

An miri souni homs an o zorelo kheer an o foro Susa an o them Elam, pash o lengsto pani Oulay.

Daniel 8:8

Oun koy morsh bouzni vas bareder oun bareder. Oun har koy bouzni yaake zorelo vas, phagas ko yek shing tele, oun star vavar shinga van kote vin, kay glanstounes ko yek his. Oun hako shing sikras ap i vavar rig: glan oun pal, čačes oun serves.

Daniel 11:4

Ap ko tsiro, kay vas lo baro, phagell leskro them an star kotya – pal kol star bolepangre rigya. Kek kal star tikneder themma vell yaake zorelo har leskro them his. Oun kek leskre čavendar lell čomone kolestar. Na-a, leskri rayeskri zoor vas paash oun vas ap vavarende doureder dino.

Zakarie 6:5

Oun o bolepaskro penas: “Kolla hi kol star dourhe tel o bolepen, kolla his tardo glan o rayeste pral i tseli phoub, oun venn kanna vin.”

Jesaja 17:12

Shounenn, boud boud lourde venna dran boud themma, oun lengri gole hi baro oun divyo har o baro pani. Zorele natsyone hadan pen oun venna har zorele divye panya.

Jeremia 51:42

I baro pani vas pral o foro Babilon, zorele panya čakran o foro tel pende.