Daniel 6:11 - O Debleskro Lab 2024 (Sinte-Manouche)

¹¹ Oun har o Daniel shounas, te vas savo lab činlo o baro rayeskro labeha koy tele, djas lo an peskro kheer. Oun an peskri pralstouni isema his les valya, ap koy rig, kay o foro Yerusalem hi. Oun triin kope an o dives djas lo tele ap peskre čanga oun mangas peskro Debles an oun sharas les. Oun kova kras lo kanna ninna har hako vavar dives.

O Debleskro Drom 2021 (Sinte)

¹¹ Un har o Daniel shunas, te was sawo lab tchinlo o baro rajeskro labeha koi tele, djas lo an peskro kheer. Un an peskri pralstuni isema his les walja, ap koi rig, kai o foro Jerusalem hi. Un triin kope an o diwes djas lo tele ap peskre tchanga un mangas peskro Debles an un sharas les. Un kowa kras lo kanna ninna har hako wawar diwes.

Daniel 6:11 Referans Kwoze

Daniel 6:6

Kote penan kol morsha: “Mer nay rodah gomme yaake boud, mer hatsah či, hoy nay anah ap o Danieleste pre. Yek koova ačell, kay nashte vell, te taprams les. Kova hi leskro patsepen ap leskro Debleste.”

Debleskri gili 10:9

Čorrhanes khatedo har i levo an i bourra, yaake lourell yob ap o čorveleste, oun taprell les an peskri netsa oun tserdell les krik.

1. Rajengro liil 8:48

Te venn le pash toute pale pengro tselo djiyeha oun lengro tselo djipah, an ko them, kay yon pandle hi, oun denn gole ap toute oun rissrenn pen koy pashel ap koy rig, kay lengro them hi, kay tou dal lengre phourende, oun kay ko foro hi, hoy tou touke vin rodal, oun ko kheer, kay me moukom touke te krell,

Debleskri gili 28:2

Shoun ap miro ropen! Shoun, har ap toute gole dau! Dik ap mire vasta, hoy me pre-hidjrau pash tiro kheer, kay tou hal!

Debleskri gili 119:164

Yaake har tou o čačepen vi-rakreh, hi kova mishto. Oun me sharau tout koleske efta kope an o dives.

Jeremia 51:50

T'mer i menshendar Israel, kay van gar maredo, djan vin dran o foro Babilon! Oun rikrenn t'men gar pre! Ninna te han an i dour them, ma bistrenn o baro Debles, vitar gar o foro Yerusalem!