Daniel 3:4 - O Debleskro Lab 2024 (Sinte-Manouche)

⁴ Oun yek, kay vin gole dell, hoy o baro ray kamella, stas pre oun das gole: “Menshale dran hako them oun rakepen, shounenn, hoy o baro ray t'menge penell:

O Debleskro Drom 2021 (Sinte)

⁴ Un jek, kai win gole dell, hoi o baro rai kamella, stas pre un das gole: “Menshale dran hako them un rakepen, shunenn, hoi o baro rai tumenge penell:

Daniel 3:4 Referans Kwoze

Daniel 6:25

Oun o baro ray moukas kol morshen glan peste te anell, kay kova ap o Daniel pre anan. Oun yob moukas len an i grouba te vitsrell pash i leve, len oun lengre čaven oun romyen ninna. Oun har yon gomme gar ap i phoub tele van, tapran i leve len, oun phagan lengre kokale.

Daniel 4:1

Me, o Neboukadnezar homs barhtelo an miro kheer, oun man his lauter, hoy kamom.

Micha 6:16

Ko čilačo koova, hoy kol raya, o Omri oun o Ahab, t'menge glan kran, kova kran t'mer ninna. Oun hoy yon penan, kova kran t'mer ninna. Doleske krau me dran t'maro foro i moulo foro. Oun pral t'mende, kay kote djivenn, san i vavar menshe. Bari ladj vell pral t'mende.

Hosea 5:11

O Efrayim las pes glan, te nashell lo i rhorhene deblenge palla. Doleske vell lo kanna tele rikedo. Oun leskro čačepen vell i pirentsa stakedo.

Daniel 4:14

I bolepangre, kay lauter an o yak lenn, rakran kova vin. Oun yon, kay venna o Deblestar, kamenn, te vell kova yaake, te dikenn i menshe, te hi o pralstouno Debles i zoor pral i rayengre themma, oun yob len koleste dell, koneste yob kamell. Koles, kay tikno hi mank i menshende, nay čivell yob pral lende.

Jesaja 58:1

De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!

Jesaja 40:9

Tou, koy berga Sion, hal har i čay, kay anell i lačo lab. Tou, o foro Yerusalem, hal bičedo te aness barht. Dja pre ap i bari berga! De zoryah gole, oun ma dare! Dja pre ap i bari berga! Pen ap i forya an o them Youda: “Ake, t'maro Devel!”

Ester 8:9

Yaake van kol morshen kharedo, kay o baro rayeskre lila činenn. Kova his an o triinto čon, – kova hi o čon Sivan – ap o biish-te-triinto dives. Oun i lila van yaake činlo, har o Mordekay penas: ap i biboldende, oun ap i pralstunende ko themestar, ap i themeskre rayende oun i pralstunende pral i tsele themma mank o pani Indus oun o pani Nil. Kolla his 127 (yek-sheel-te-biish-te-efta) themma. Oun činlo vas yaake har an hako them činlo vas, oun an o rakepen kol menshendar, kay kote djivan, oun ninna ap i bibolde yaake har yon činenn oun rakrenn.

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.

Daniel 3:3

Oun yon halauter van oun his tardo glan koy figura.

Daniel 3:7

Oun kol tsele menshe, kay khetne van dran hako them oun dran hako rakepen, shounan o phourdepaskro bashepen oun o bashepen ap kol doryengre bashepangre oun ko tselo vavar bashepen. Koy vitsran le pen tele ap i phoub glan koy sonakaskri figura, hoy moukas o baro ray Neboukadnezar pre te čivell.

Daniel 3:10

Tou, maro baro ray rakral oun penal: Hakeno, kay shounell o phourdepaskro bashepen, o bashepen ap i doryengre bashepangre oun ko vavar bashepen, kova hounte vitsrell pes tele oun hounte mangell koy sonakaskri figura an.