Daniel 3:25 - O Debleskro Lab 2024 (Sinte-Manouche)

²⁵ Yob penas: “Me dikau star morshen, kay an i yag trouyel djan. Oun yon hi bouder gar pandlo, oun kek doukepen hi ap lende. Oun ko starto dikell vin har i bolepaskro.”

O Debleskro Drom 2021 (Sinte)

²⁵ Job penas: “Me dikau star murshen, kai an i jag trujel djan. Un jon hi buder gar pandlo, un kek dukepen hi ap lende. Un ko starto dikell win har i bolepaskro.”

Daniel 3:25 Referans Kwoze

Jesaja 43:2

Te djah tou an o pani, me hom pash toute, te tassenn tout kol zorele panya gar. Oun te djah tou an i yag, palle rhačell li tout gar, oun nay krell touke či.

Bičepangre 28:5

O Paulo vitsras ko sap an i yag, oun leske djas či.

Markus 16:18

Yon te lenn sapa an pengre vasta, oun te piyenn le i pipen, kay nay merenn le, palle venn le gar nasselo. Ap i nasslende čivenn le i vasta pre. Oun kolla venn sasto.”

Hiob 1:6

Oun vas i dives, kote van i tsele bolepangre pash o baro Debleste khetne, oun čivan pen tardo glan leste. Ninna o beng his mashkral lende.

Daniel 3:28

Oun o Neboukadnezar penas: “Sharedo vell o Devel, koles o Shadrak oun o Meshak oun o Abed-Nego an-mangenn. Yob bičras peskro bolepaskres oun las peskre boudepangren dran o merepen vin. Kolla rikran ap leste, oun shounan gar ap miro lab, oun dan pengro djipen an o merepen. Yon kaman kek vavar debles an-mangenn har pengro Debles kokres.

Debleskri gili 34:7

Ake hi yek, kay gole das ap o baro Debleste, har leske djoungeles djas, oun yob shounas les oun las les vin dran lauter, hoy leske o djipen phares kras.

1. Petro 3:13

T'mer te kamenn i tseli zoryah lačo koova te krell, koon krell t'menge čilačepen? Kek, patsau.

Daniel 3:18

Oun ninna te kamell lo kova gar te krell, tou djiness: Mer sharah tiro debles gar, oun mangah gar koy sonakaskri figura an, hoy tou moukal pre te čivell.”

Hiob 38:7

Har lo čiddo vas, givan i tsele bolepangre momlia, hoy tsalla pre djan, oun i bolepangre dan gole i barhtyatar.

Louka 1:35

O bolepaskro penas ap late: “O Debleskro Dourho oun leskri zoor vell pral toute. Doleske vell o ternepen o Deblestar oun vell Debleskro čavo kharedo.

Gosewe laba 30:4

Koon djas pre an o bolepen oun pale tele? Koon las o phourdepen an peskre vasta? Koon pandas i tsele panya an i baya? Koon penas, har dour i phoub te djal? Har kharell lo? Har kharell leskro čavo? Djineh tou kova?

Jeremia 1:8

Ma traash lendar. Me hom pash toute, oun rikrau mire vasta pral toute. Ko penau me, o baro Devel.

Jeremia 1:19

Ninna te čingrenn le touha, nay krenn le touke či. Me hom pash toute, te lap tout dran lengre vasta vin. Kova penau me, o baro Devel.

Jeremia 15:21

ava, dran i vasta kolendar, kay čilačo ap toute hi, oun kay djan zoryah ap toute pre.

Daniel 3:24

Oun ap yek kopo kras o baro ray Neboukadnezar bare yaka. Oun yob stas ap peskre herya, oun poučas kol pralstunendar, kay pash leste hi: “Moukam mer gar triin morshen te pandell oun len an i yag te vitsrell?” “Ava, baro ray, yaake hi!” penan le.

Daniel 6:23

Miro Devel bičras peskro bolepaskres, oun kova pandas i mouya kol levendar, yaake te nay doukran le man gar. Miro Devel dikell kek doosh ap mande. Oun ninna ap toute, miro baro ray, krom me či, koleske i phagi hounte loms.”

Hiob 5:19

Hako kopo, kay perell i bibarht ap toute, lell lo tout vin. Oun kek čilačepen nay taprell tout an.