Daniel 11:4 - O Debleskro Lab 2024 (Sinte-Manouche)

⁴ Ap ko tsiro, kay vas lo baro, phagell leskro them an star kotya – pal kol star bolepangre rigya. Kek kal star tikneder themma vell yaake zorelo har leskro them his. Oun kek leskre čavendar lell čomone kolestar. Na-a, leskri rayeskri zoor vas paash oun vas ap vavarende doureder dino.

O Debleskro Drom 2021 (Sinte)

⁴ Ap ko tsiro, kai was lo baro, phagell leskro them an star kotja – pal kol star bolepangre rigja. Kek kal star tikneder themma well jaake sorelo har leskro them his. Un kek leskre tchawendar lell tchomone kolestar. Na-a, leskri rajeskri soor was paash un was ap wawarende dureder dino.

Daniel 11:4 Referans Kwoze

Daniel 8:22

Oun kol star shinga, kay van baro, har ko ersto tele phagas, kolla hi star rayengre themma, kay venn dran ko yek rayeskro them. Kol star hi gar yaake zorele har ko ersto.

Daniel 8:8

Oun koy morsh bouzni vas bareder oun bareder. Oun har koy bouzni yaake zorelo vas, phagas ko yek shing tele, oun star vavar shinga van kote vin, kay glanstounes ko yek his. Oun hako shing sikras ap i vavar rig: glan oun pal, čačes oun serves.

Jeremia 12:17

Te hi yek natsyona koy, hoy kamell gar ap mande te shounell, lau lake lakro them hako tsireske krik, oun kay natsyona djal tel. Kova penell o baro Devel.

Daniel 7:8

Oun har me yaake ap kol deesh shinga yak dom, vas i tikno vavar shing pre mashkral kol vavar shinga. Oun triin lendar van glan leste vin tserdedo. Ap ko shing his yaka har menshengre yaka, oun i mouy, hoy baro koova rakras.

Daniel 7:2

Me, o Daniel, dikom i dikepen an i rati: I baro dourho vas dran i star rigya i phoubyatar oun phourdas pral o baro pani, te vas lo divyo.

Jeremia 18:7

Nay vell i tsiro, kay penau me i menshenge an i rayeskro them, te lap len vin dran lengro them, phagap ko them tele oun krap les paash.

Jeremia 12:15

Pal kova, kay anom kol vavar menshen dran lengro them, krau me lenge miro dji pale pre, oun anau len pale an lengro them, kote, kay yon glan ko tsiro djivan.

Louka 12:20

O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

Mateo 12:25

O Yezous hayvas, hoy an lengro shero trouyel djas. Oun yob penas ap lende: Hako them oun hako foro djal paash, kay douy bare raya kourenn pen. Oun an yek kheer nashte venn gar douyen penepaske. Kova djal gar.

Daniel 7:6

Oun pal kova dikom i vavar firhes, hoy vin dikas har i bari margodja. Koles his star čirklengre moussya ap peskro doumo. Oun ko firhes his star sherya oun les vas bari zoor dino pral i menshende.

Jeremia 45:4

Pen leske: Kova penell o baro Devel: Dik, miro them, hoy me bares krom, kova krau me paash. Mire menshe, kolendar i natsyona krom, tradau vin dran o them.

Jeremia 31:40

Oun koy tseli tala, kay i moule paskedo hi, oun i yagakri čik vin čoredo vas, tele bis pash o pani Kidron, pral bis pash o grayengro voudar, hoy ap koy rig hi, kay o kham pre djal, koy tseli tala hi o baro Debleske. Oun ko foro vell bouder gar tele phagedo oun paash kerdo – an kek tsiro.

Sikepaskro 4:8

Kote hi yek kokres, oun kek hi pash leste. Kek čavo hi les oun kek phraal. Oun yob boudrell oun boudrella, te vell lo bravelo. Yob hounte poučals pestar: Koneske boudrau man tele, oun moukau les mange gar mishto te djal? Savo koova hi phares te hayvell oun i bibarht.

Debleskri gili 39:6

Miro djipen hi yaake tikno har i vast bourhlo hi. Kova hi har či pash toute. Har zorelo i mensho ninna tardo hi, leskro djipen hi har i dourho.

Debleskro tsiro 7:1

Oun pal kova dikom me star bolepangren. Kolla his tardo ap kol star rigya i phoubyatar, oun rikran ko zorelo dourho pale, hoy phourdell dran hake star rigya pral i phoub. Yon rikran les pale, te phourdell lo gar pral i phoub, vitar gar pral o baro pani, vitar gar pral i tsele rouka.

Jeremia 49:36

Hake star rigyendar moukau i phourdepen te vell, hoy vell pral lende, oun tradell len ap hake rigya, yaake te hi kek them ap kay phoub, kay hi kek menshe dran o them Elam tradedo.

Ezekiel 37:9

Oun o baro Devel penas ap mande: Tou, mensho, rake laba vin, hoy mandar venna! Pen ap o dourho: Kava penell o baro Devel, maro ray: Tou dourho, ab dran hake rigya, oun phourde ap kol marede menshende, te venn le djido!

Zakarie 2:6

Oun me poučom lestar: “Kay djah tou?” Yob penas: “Kamau te dikap pal, har baro oun bourhlo o foro Yerusalem hi.”

Zakarie 6:5

Oun o bolepaskro penas: “Kolla hi kol star dourhe tel o bolepen, kolla his tardo glan o rayeste pral i tseli phoub, oun venn kanna vin.”