Daniel 10:2 - O Debleskro Lab 2024 (Sinte-Manouche)

² Triin tsele kourke rovom me, o Daniel, an ko tsiro.

O Debleskro Drom 2021 (Sinte)

² Triin tsele kurke rowom me, o Daniel, an ko tsiro.

Daniel 10:2 Referans Kwoze

Nehemia 1:4

Oun har me kol laba shounom, beshom man koy oun rovom an bari douk boudeder divessa. Oun me rhom či, oun mangom o Debles an o bolepen,

Debleskro tsiro 11:5

Oun te kamell yek te doukrell lo len, palle djal i yag dran lengro mouy vin, oun rhačrell les pre. Yaake merenn lauter kolla, kay kamenn len čilačepen te krell.

Jakobo 4:9

Denn gole pral t'maro čilačo djipen! Rovenn koy pral! Ma san gar bouder! Avenn bibarhtelo oun bouder gar barhtelo!

Remarja 9:2

Yob djinell, miro dji rovella oun doukella hako tsireske mire phralenge, kay bibolde hi har me. Mange vals čačo, te voms me mire phralenge praasedo o Deblestar, te venn yon pash leste, ninna te voms me palle bouder gar o Yezous Kristeha khetne.

Mateo 9:15

Penas o Yezous ap lende: “Yaake rah har o biyabeskro ap i biyab hi, hi peskre mala barhtelo. Ko tsiro vella, kay vell o biyabeskro lendar lino. Ap ko tsiro rhan le oun piyenn le či, te mangenn le o Debles an.

Jeremia 9:1

Te vals man an o moulo tato them i kheer, kay nay ačau, moukoms me mire menshen, oun djoms mange. Yon lauter hi har romma, kay moukan pengre romyen beshdo. Yaake moukan kal phoukepangre o baro Debles.

Jesaja 66:10

Avenn barhteles o foreha Yerusalem, oun givenn oun khelenn leske, t'mer lauter, kay les o djiyestar kamenn. Avenn barhteles leha, t'mer lauter, kay pral leste rovan.

Debleskri gili 43:2

Tou hal o zorelo Devel ap miri rig. Hoske moukal tou man? Hoske djal mange yaake djoungelo? Hoske nay krenn kolla mange o djipen pharo, kay mange čilačepen kamenn?

Debleskri gili 42:9

Pral o dives bičrell o baro Devel mange peskro lačepen, oun rati givau leske gilya, oun mangau o Debles, kay les miro djipen an o vast hi.

Daniel 10:12

Oun yob penas ap mande: “Daniel, ma dare! O Devel shounas tire laba foun o ersto dives an, har kamal tiro tselo djiyeha o dikepen te hayvell, oun tout tiknes kral glan tiro Debleste. Oun kol labenge, hoy tou rakral, vom me.