Čačepangre 9:56 - O Debleskro Lab 2024 (Sinte-Manouche)

⁵⁶ Yaake moukas o Devel o čilačepen ap o Abimelek pale te vell, hoy lo ap peskro dadeste kras, har moukas yob peskre efta-deesh phralen temerl dell.

O Debleskro Drom 2021 (Sinte)

⁵⁶ Jaake mukas o Dewel o tchilatchepen ap o Abimelech pale te well, hoi lo ap peskro dadeste kras, har mukas job peskre efta-deesh phralen temerl dell.

Čačepangre 9:56 Referans Kwoze

Debleskri gili 94:23

Yob moukell lengro midjak koova ap lende pale te perell, oun dran lengro čilačepen marell lo len. Ava, maro baro Devel marell len!

Gosewe laba 5:22

O čilačo koova pandell koles, kay kova krella. Leskri doosh hi har shelle, hoy les pandenn.

Čačepangre 9:24

Yaake te vell ko čilačepen ap leste pale, hoy yob ap kol efta-deesh čavende peskro dadestar Gideon kras. Oun lengro rat te vell ap lengro phraleste Abimelek, kay len temerl das, oun ap kolende, kay an o foro Sichem djivan oun leskre vasta zoreles kran.

Galatarja 6:7

Ma patsenn, te krenn nay o Debleha, har t'mer kamenna! T'mer te krenn lačo koova, lenn t'mer lačo koova pale pale. T'mer te krenn čilačo koova, lenn t'mer čilačo koova pale pale.

Bičepangre 28:4

Har kol menshe ko themestar ko sap ap leskro vast dikan, penan le: “Kava hi yek, kay maras yekes. Dran o baro pani vas yob djido vin, oun kanna lell lo peskri phagi.”

Mateo 7:2

Te hi t'men i baro dji i vavarenge, hi o Debles ninna i baro dji t'menge. Hi t'men kek baro dji lenge, hi o Debles vitar gar i baro dji t'menge.

Debleskri gili 11:6

Mou dell lo i čilačen i phagi: Yag oun yagakri khand moukell lo pral lende te perell, oun i tato dourho phourdell ap lende.

Debleskri gili 9:12

Givenn o baro Debleske, kay ap i berga Sion khere hi! Penenn i menshenge an vavar themma, hoy yob lauter kras!

Hiob 31:3

Pral i čilačo vell bibarht, oun koleske, kay krell djoungelo koova, djal či mishto.

1. Mose 9:5

Kek hounte lell t'maro djipen. Hakeno koon lell t'maro djipen, kolestar lau me ninna leskro djipen: hako firhestar oun hako menshestar.

1. Mose 9:6

O Devel kras o menshes, yaake har yob hi. Doleske hounte vell kova moulo dino i menshestar, kay i menshes moulo das.

Čačepangre 9:55

Oun har i Israelitarya, kay lentsa hi, dikan, te hi o Abimelek moulo, djas hakeno lendar pale khere.

Čačepangre 9:57

Oun ninna o čilačepen, hoy i morsha dran o foro Sichem kran, moukas o Devel ap lengre shere pale te vell. Oun yaake vas koy bibarht pral lende, hoy o Yotam vin rakras, koleskro dad o Gideon hi.