Čačepangre 9:15 - O Debleskro Lab 2024 (Sinte-Manouche)

¹⁵ Kote penas o soubyengro bour: Kamenn t'mer čačepah, te vap me ray pral t'mende? Palle avenn pash mande, oun khatrenn t'men tel mande glan o kham! Oun te krenn kova gar, palle djal yag vin dran o soubyengro bour, oun rhačrell i cedertikre rouka, hoy ap i berga Libanon tardo hi!

O Debleskro Drom 2021 (Sinte)

¹⁵ Kote penas o subjengro bur: Kamenn tumer tchatchepah, te wap me rai pral tumende? Palle awenn pash mande, un khatrenn tumen tel mande glan o kham! Un te krenn kowa gar, palle djal jag win dran o subjengro bur, un chatchrell i zedertikre ruka, hoi ap i berga Libanon tardo hi!

Čačepangre 9:15 Referans Kwoze

Jesaja 30:2

Mandar poučenn le gar, hoy te krenn le. Na-a, yon djan tele pash i Egiptaryen, te mangenn le o rayestar Farao, te vell yob ap lengri rig, oun te rikrell lo peskre vasta pral lende.

Hosea 14:7

O Israel vell har i shoukar djeteskro rouk, koles boud bourhle moussya hi. Oun i shoukar khand djal lestar vin, har i khand i roukendar ap i berga Libanon.

Jesaja 2:13

Ap ko dives venn lauter tiknes kerdo: kol bare cedertikre rouka ap o Libanon oun kol aichtikre rouka an o them Bashan,

Čačepangre 9:20

Te his kova gar mishto, hoy kran t'mer, palle djal yag dran o Abimelek vin, oun koy yag rhal hakenes pre, kay an o foro Sichem djivella, ninna kolen, kay an o baro zorelo kheer djivenna! Oun lendar lauterendar djal yag vin oun rhal o Abimelekes pre!

Daniel 4:12

Leskro telstouno kotar i drabentsa hounte ačell an i phoub mashkral o zenlepen, hoy troul leste bares vella. Oun sasterne shelle venn troul leste pandlo. Oun o brishin perell ap leste tele oun krell les sapenes. Oun har i firhe rhal lo o zenlepen ap i phoub.

Ezekiel 19:14

Oun i yag djas vin dran leskro pesseder kasht, oun rhačras leskre drake. Kek zorelo kasht ačas bouder pral, kolestar nay vals i rayeskro kasht kerdo. Kava hi i ropaskri gili. Koya vas givedo kolendar, kolengro dji rovas.

Jesaja 37:24

Tire boudepangren bičral, te praasenn le man, oun penal: “Pral ap i berge mire vourdyentsa djom, oun dour dren an o Libanon vom. I bare oun shoukar rouka trouyel dom, oun an o divyo veesh bis ap o pralstunepen djom.

Debleskri gili 104:16

Ninna i bare rouka lenn doha pani, kol cedertikre rouka ap i berga Libanon, hoy tou, baro Devel, kote an i phoub čival.

2. Rajengro liil 14:9

Oun o Yoash, ko baro ray pral o them Israel, moukas o baro rayeske pral o them Youda, o Amazya, te penell: “O soubyengro bour an o Libanon bičras yekes pash o Cedertikro rouk, oun moukas leske te penell: De tiri čay miro čaveste, te romedinerell lo lat! Koy van divye firhe oun stakran o soubyengro bour tel pende.

4. Mose 21:28

I yag vas dran o foro Heshbon, dran o Sihoneskro foro vas i yag. Koya rhas o foro Ar an o them Moab, oun kol berge pash o pani Arnon rhas li pre.

Mateo 13:32

O senftikro djob hi tikneder har ko tselo vavar djob. Yob te vell baro, vell lo bareder har i tsele vavar bourra. Dran leste vell i rouk. Oun i čirkle venna, oun djivenn ap leste.

Ezekiel 31:3

Tou hal har o them Assour his – har i baro cedertikro rouk ap i berga Libanon shoukar bourhle zenele kashtentsa, kay nay khatrenn le pen tel lende glan o kham. Oun yob his yaake baro, te djas lo doureder pral har i vavar rouka an o veesh.

Jesaja 1:31

Oun ko morsh, hoy zorelo his har i rouk, vell har moulo kasht. Oun ko zorelo koova, hoy lo kras, vell har i yag, hoy ko moulo kasht pre rhačell. Yaake djal lauter an i yag pre, oun kek nay krell koy yag vin.

Čačepangre 9:49

Oun hakeno kol lourdendar das yek kasht tele. Oun yon djan o Abimelekeske palla, oun čivan pengre kashta ap koy bari isema, kay kolla pen khatran, oun rhačran kol kashta pral lende. Oun yaake meran i tsele menshe, hoy an ko baro zorelo kheer djivan. Oun kolla his yaake 1.000 (yek zero) morsha oun djouvya.

Čačepangre 9:14

Oun i tsele rouka penan ap o soubyengro bour: Ap tou o ray pral mende!

Čačepangre 9:16

Oun kanna penenn mange, rikran t'men ap o čačepen, har čivan o Abimelekes pral t'mende, te vell lo t'maro ray? Oun kran t'mer o lačepen ap o Gideon oun ap leskro kheer? Kran t'mer leske kova pale, har yob ap t'mende his?

Debleskri gili 29:5

O baro Debleskro rakepen phagella zorele rouka, ninna kol cedertikre rouka ap i berga Libanon.

Čačepangre 9:44

Yob oun kol lourde, hoy pash leste hi, nashan pash o foreskro baro voudar oun ačan kote tardo. Oun kol vavar lourde peran pral kolende, kay ap i harhetikri phoub hi, oun dan len temerl.

Ropaskre gilja 4:20

Maro rayes, koles o baro Devel vin rodas, lan le pandlo. Yob his kova, kolestar maro djipen vas, oun lestar patsam, te rikrell lo peskro vast pral mende, te nay krenn men i vavar themma či.