Čačepangre 7:2 - O Debleskro Lab 2024 (Sinte-Manouche)

² Oun o baro Devel penas ap o Gideon: “Tout hi boud lourde, hoy pash toute hi. Yaake nay dau i Midianarya gar an t'mare vasta. O Israel nay sharals pes oun nay penals: Mare vasta his, hoy men vin lan!

O Debleskro Drom 2021 (Sinte)

² Un o baro Dewel penas ap o Gideon: “Tut hi bud lurde, hoi pash tute hi. Jaake nai dau i Midianarja gar an tumare wasta. O Israel nai sharals pes un nai penals: ‘Mare wasta his, hoi men win lan!’

Čačepangre 7:2 Referans Kwoze

5. Mose 8:17

Oun t'mer te nay penenn gar an t'mare djia: Miri zoor oun mire vastengri boudi anas mange kava tselo bravlepen!

2. Korintarja 4:7

O lačo lab o Yezous Kristestar hi i baro bravlepen, hoy mer hidjrah an mende. Mer kokres ham har čare, hoy či moldo hi, yaake te dikell hakeno, koy bari zoor vell o Deblestar, oun gar mendar.

Remarja 11:18

Dran kova penau t'menge: Ma sharenn t'men pral kol kashta, hoy tele činlo van. T'mer hidjrenn gar o djeteskro rouk. Na-a. O djeteskro rouk hidjrell t'men.

Efesarja 2:9

Kova kras lo gar doleske, kay t'mer lačo koova kran. Yaake sharell nay pes kek mensho glan o Debleste.

Zakarie 12:7

O baro Devel krell, te venn glanstounes i lourde dran o them Youda i zorleder pral kolende, kay kourenn pen lentsa. Kova krell lo yaake, te sharenn pen gar o Davideskre menshe oun i vavar menshe an o foro Yerusalem, oun dikenn tele ap i menshende an o them Youda.

Zakarie 4:6

“Kol efta momlia hi o baro Debleskre yaka, hoy lauter dikenn, hoy ap i phoub djala.”

Ezekiel 28:17

Tiro shoukapen kras tout pre-phourdo. Oun har bravelo oun raylo val, kral savo koova, hoy gar gosevo hi. Doleske vitsrom tout ap i phoub, oun moukom i vavar bare rayen ap toute tele te dikell, te vess lenge sapaske.

1. Samuel 14:6

Oun o Yonatan penas ap ko terno morsheste, kay leskro kourepaskro koova hidjrell: “Ab, mer djas pash kol rhalende, kay koy vergel yak denn. Nay hi, te vell o baro Devel menge ap i rig. Te krell lo kova, hi yek, kitse mer ham, boud oder gar boud.”

Remarja 3:27

Koon nay sharell pes kanna? Kova, kay rikras pes ap kol laba, hoy penenna, har te djivas mer? Na-a, les hi či, te sharell lo pes. Kova hi čačo glan o Debleste, kay ap o Yezous Kristeste patsella.

Habakuk 1:16

Lengre mačengre gone oun lengre netse hi lenge har debla. Lenge rhačrenn le firhen oun soungepaskro koova, te parkrenn len pen, kay yon lenge yaake boud bravlepen oun lačo rhapen anan.

Daniel 4:30

Oun gomme an ko tsiro, har lo koy pral tardo his, vas kava lab čačo. Oun yob vas pale-čiddo oun djivas bouder gar mank i menshende. Oun yob rhas khass har i groumya. Oun yob čivas pes vin tele. Oun o brishin peras ap leste tele oun kras les sapeno. Leskre balla van yaake lengsto har i phora bare čirklendar, oun leskre naya bango har i čirklengre tsebe.

Ezekiel 28:2

Tou mensho, pen ap o rayeste pral o foro Tirus: Kava penell o baro Devel, maro ray: Tiro dji hadas pes oun penas: “Me hom i devel! Oun hom beshdo ap i debleskri beshepaskri mashkral dren an baro pani!” Ninna te kreh, har te vals i devel, hal či har i mensho!

Jeremia 9:23

Koon kamell pes te sharell, kova te sharell pes, kay yob prindjrell man, oun te hayvell yob, kay me o baro Devel hom. Me krau miro dji pre i menshenge, oun krau, hoy čačo oun mishto hi ap i phoub. Savo koova hi mishto glan mire yaka. Kova penau me, o baro Devel.

Jesaja 10:13

Kova penas: I zoryah mire vastendar krom kova lauter, oun miro gosvepah. Čačepah, man hi boud gosvepen. Me lom vavar themma dren, oun random lengro bravlepen, oun har i divyo gouroum stakrom kolen khetne, kay koy djivan.

2. Familjakro liil 14:11

Oun o baro Devel das i Kousharya glan o Asa oun i menshende dran Youda yaake, kay yon nashan penge an i daar.

Jesaja 2:17

Palle vell lenge kova krik lino, koleha i menshe phourdan pen pre. Oun lengro sharepen ačell gar. Ap ko dives hi kokres o baro Devel o Devel pral halauter.

Jakobo 4:6

Oun ninna boudeder lačepen kamell men o Devel te dell. An o Debleskro lab hi činlo: Kolla, kay krenn pen bares, kolen bičrell yob pestar. Oun kolen, kay krenn pen gar bares, kolen dell yob boud lačepen.

Jesaja 2:11

Hakeno, kay dikell tele ap o vavareste, hounte dikell tele glan peste i ladjatar. Oun i pre-phourde menshe venn phagedo. Ap ko dives hi kokres o baro Devel baro.

5. Mose 8:18

Doleske ma bistrenn t'maro baro Debles! Yob hi kova, kay tout i zoor das, te nay lenn t'menge bravlepen khetne. Oun yaake rikrell yob kova, hoy lo t'mare phourentsa vin kras. Ninna kava dives rikrell lo pes ap kova.

1. Mose 46:2

I rati rakras o Devel leha an i souni oun penas ap leste: “Yakob, Yakob!” Oun yob penas: “Ake hom.”

4. Mose 31:4

Lenn yek zero morshen dran hakeneste kol deesh-te-douy bare familyendar, hoy venn o Yakobeskre čavendar, oun bičrenn len an o kourepen.” Oun yaake kran le, oun 12.000 (deesh-te-douy-zerya) morsha van khetne kourepaske.