Čačepangre 6:13 - O Debleskro Lab 2024 (Sinte-Manouche)

¹³ Oun o Gideon poučas lestar: “Mangau tout, miro ray! Te hi o baro Devel mentsa, hoske vas kay tseli bibarht ap mende? Oun kay hi ko tselo baro koova, hoy o baro Devel kras, kolestar menge mare phoure rakran oun penan: O baro Devel anas men dran o them Egiptia. Kanna moukas men o baro Devel oun das men an o vast kolendar dran o them Midian.”

O Debleskro Drom 2021 (Sinte)

¹³ Un o Gideon putchas lestar: “Mangau tut, miro rai! Te hi o baro Dewel mentsa, hoske was kai tseli bibacht ap mende? Un kai hi ko tselo baro koowa, hoi o baro Dewel kras, kolestar menge mare phure rakran un penan: ‘O baro Dewel anas men dran o them Egiptia.’ Kanna mukas men o baro Dewel un das men an o wast kolendar dran o them Midian.”

Čačepangre 6:13 Referans Kwoze

2. Familjakro liil 15:2

Oun yob djas vin, te rakrell lo o baro rayeha, o Asa, oun penas leske: “Shounenn man, Asa oun t'mer menshe dran o tselo them Youda oun Benyamin! O baro Devel hi t'mentsa, yaake rah har t'mer t'men ap leste rikrenn. Te rodenn t'mer les, moukell yob pes te hatsell t'mendar. Te moukenn les, moukell yob t'men.

Debleskri gili 44:1

I gili o rayeske pral i gipangre. Kay gili hi yekestar dran i familya Korah.

Jesaja 63:15

Dik dran o bolepen tele, oun dik tele dran tiro raylo kheer! Kay hi tiro kamlepen, hoy menge rhačell? Kay hi tiri zoor? Hi tout bouder kek dji oun kek lačepen menge?

Jesaja 41:17

Kolla, kay čorvele hi, oun kolen gar doha hi djipaske, rodenn pal pani, oun dell kek. Oun len hi bari troush. Me, o baro Devel, shounau ap lende, me, o Israeleskro Devel, moukau len gar.

Debleskri gili 89:49

Kek mensho hi koy, kay hounte merell gar. Kek nay lell peskro djipen vin dran o merepen.

5. Mose 31:17

Palle rhačell miri rholi pre pral lende, oun me moukau len, oun vau lenge bouder gar ap i rig. Boud djoungelo pharo koova pherdo douka oun daar vell pral lende. Oun yon penenn palle ap ko dives: Kova lauter vell pral mende doleske, kay maro Devel bouder gar pash mende hi.

1. Mose 25:22

Oun i čave stakran pen an lakro per. Koy penas yoy: “Hoske djal mange kova?” Oun yoy djas te poučell li o baro Deblestar.

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

Jeremia 23:33

O baro Devel penas ap o Yeremia: Te poučell toutar yek mire menshendar, i rakepaskro oder i rashay: Hoy penas o baro Devel touke, hoy phares ap toute čiddo hi? Palle peness: T'mer han phares ap mande čiddo. Kamau te vitsrap t'men krik mandar, penell o baro Devel.

Debleskri gili 27:9

Ma dja touke mandar! Biče man, tiro boudepaskres, gar toutar krik an tiri rholi! Tou hal kova, kay vas mange ap i rig hako tsiro. Miro Devel, tou hal kova, kay man vin lell. Ma mouk man! Ma de man pre!

5. Mose 29:24

Oun lenge vell penlo: Doleske, kay phagan le koy sovel, hoy o baro Devel, ko Devel lengre phourendar, lentsa dren djas, oun rikran pen bouder gar ap kova, hoy yob lentsa vin kras, har yob len dran o them Egiptia vin anas.

Čačepangre 6:1

Oun i Israelitarya kran, hoy čilačes hi glan o baro Debleskre yaka. Doleske das o baro Devel len efta bersha an o vast kol menshendar, kay kharenna Midianarya.

Čačepangre 6:12

Kote sikras pes ko baro Debleskro bolepaskro leske, oun penas ap leste: “O baro Devel hi touha, tou čačo morsh oun kourepaskro!”

Debleskri gili 44:9

Hako dives ham barhtelo pral toute, maro Debleste, oun sharah tout kanna oun hako tsiro.

Debleskri gili 44:2

Maro Devel, mare kandentsa shounam mer, har mare phoure menge penan, hoy tou kral an lengre divessa glan i rah tsiro.

Jesaja 63:11

Kote moukan le penge pale i phoure tsirya an o shero te djal, kol divessa, kay o Mose, djivas, oun poučan pendar: Kay hi o baro Devel, kay las peskre menshen vin dran o baro pani, khetne kolentsa, kay ap lende yak dan? Kay hi o baro Devel, kay ap lende peskro dourho čivas?