Čačepangre 3:8 - O Debleskro Lab 2024 (Sinte-Manouche)

⁸ Kote rhačras i rholi o baro Deblestar pral o Israel pre. Oun yob das len an o vast o baro rayestar Koushan-Rishatayim. Kova his baro ray pral o them Mesopotamia. Oun i Israelitarya hounte boudran leske orhta bersha.

O Debleskro Drom 2021 (Sinte)

⁸ Kote chatchras i choli o baro Deblestar pral o Israel pre. Un job das len an o wast o baro rajestar Kushan-Rishatajim. Kowa his baro rai pral o them Mesopotamia. Un i Israelitarja hunte budran leske ochta bersha.

Čačepangre 3:8 Referans Kwoze

Čačepangre 2:14

Kote tapras o baro Debles i bari rholi pral i Israelitarya. Oun yob das len an o vast kolendar, kay len vi-čorenn. Oun ninna moukas lo len an i vasta kol menshendar te perell, kay troul lende djivenn oun lenge o djipen phares kran. Yaake his i Israelitarya bouder gar zoreles doha, te denn le kolen pale, kay ap lende djan.

Habakuk 3:7

Me dikom, har daran kol menshe, kay djivenn an plarhtene khera an o them Koushan, oun har trissan i menshe an o them Midian.

Čačepangre 4:9

“Mishto”, penas li. “Me djau touha. Ko yek djin, palle sharenn le gar tout an kava kourepen. O baro Devel dell o Sisera an o vast i djouvyatar.” Oun i Debora stas pre, oun djas leha an o foro Kedesh.

Remarja 7:14

Mer djinah, o Moseskre laba venna o Deblestar. Ninna djinah, mer ham menshe oun pandlo ap o čilačepen.

Jesaja 50:1

Kava penell o baro Devel: Kay hi ko liil, hoy me hounte činoms, kay dren tardo hi, te moukom me t'mari dat? Koon hi kova, pash koleste man siyaan vals oun t'men leske bikroms. Dran t'mari doosh han bikedo. T'mer peran miro dromestar tele. Doleske hi t'mari day mouklo.

Debleskri gili 85:3

Tou lal o čilačepen, hoy tire menshe kran, lendar krik! Lengri tseli doosh bistral tou.

Debleskri gili 6:1

I gili o rayeske pral i gipangre, te givell pash o bashepen ap i bashepaskri orhta doryentsa. O David kras kay gili.

1. Samuel 12:9

Yon bistran pengro baro Debles. Oun yob das len an i vasta kolendar, kay kouran pen lentsa: o Sisera, ko pralstouno lourdo o forestar Hazor, i Filistarya, oun o ray pral o them Moab.

Čačepangre 2:20

Kote rhačras i rholi o baro Deblestar pral o Israel pre. Oun yob penas: “Kal čilače menshe rikran pen gar ap mire laba, hoy me lengre phourende dom, oun shounan gar ap mande.

5. Mose 32:30

Har nay las yek lourdo i zero (1.000) Israelitaryen palla? Har nay tradan douy lourde deesh-zerya (10.000) Israelitaryen yaake, te nashan le penge i daryatar? Kova vas, har o baro Devel, lengro rikepaskro, len an kolengre vasta das.

5. Mose 29:20

Yob čivell les infam, te hi lo kek Israelitari bouder. Oun ap leste vell koy bibarht, hoy koles taprell, kay tel o praasepen hi doleske kay rikras lo pes gar ap kova, hoy peskro baro Devel leha vin kras, yaake har an kava čačepaskro liil činlo hi.

2. Mose 22:24

Te patseh love i čorveleske mire menshendar, palle kre tout ap leste gar braveles! Oun le lestar gar boudeder pale, har les dal.

Čačepangre 3:7

Oun i Israelitarya kran, hoy čilačes his glan i yaka o baro Deblestar, oun bistran, kay o baro Devel pengro Devel hi. Oun yon mangan o debles Baal oun i debletsa Ashera an.

Čačepangre 3:9

Koy dan le ap o baro Debleste gole, te lell yob len dran koleskre vasta vin. Oun o baro Devel moukas i morshes pre te stell, kay lenge ap i rig vas. Kova his o Otniel, koleskro dad o Kenas his. Koleskro phoureder phraal his o Kaleb.

Čačepangre 3:10

Oun o baro Debleskro dourho vas pral leste, oun yob vas o čačepaskro ray pral i Israelitarya. Oun yob djas vin an o kourepen. Oun o baro Devel das o baro rayes pral o them Mesopotamia an leskro vast. Koleskro lab his Koushan-Rishatayim. Oun o Otniel vas zorleder har yob.

Debleskri gili 44:12

Har firhe, hoy venn maredo, dal tou men pre. Oun an i tsele themma trouyel tradal tou men, yaake te ačam gar khetne.

Debleskri gili 129:1

I gili te givell ap o drom an Yerusalem. Boud kope kran le mange o djipen phares yaake rah har djivau, – kova hounte penell o kheer Israel –

1. Mose 24:10

Pal kova las o boudepaskro deesh khamele oun kouč koova peskro rayestar peha, oun djas an o them Mesopotamia an o foro, kay o Nahor djivell.

3. Mose 26:17

Me dikau bouder gar lačes ap t'mende, oun t'mer venn dino kolendar, kay kourenn pen t'mentsa. Kolla, kay kamenn t'maro merepen, venn ray pral t'mende. T'mer han ap o naashepen, ninna te lell t'men kek palla.

Debleskri gili 106:41

Yob das len an o vast i menshendar an vavar themma, te venn kolla ray pral lende, kay dikan čilače yakentsa ap lende.