Čačepangre 21:25 - O Debleskro Lab 2024 (Sinte-Manouche)

²⁵ An ko tsiro his kek baro ray pral i Israelitarya. Hakeno kras, hoy an leskre yaka mishto his.

O Debleskro Drom 2021 (Sinte)

²⁵ An ko tsiro his kek baro rai pral i Israelitarja. Hakeno kras, hoi an leskre jaka mishto his.

Čačepangre 21:25 Referans Kwoze

5. Mose 12:8

Ma krenn yaake, har mer kava dives kate krah, kay hakeno krell, har an leskre yaka mishto hi.

Čačepangre 17:6

Oun an ko tsiro his kek baro ray pral o them Israel. Oun hakeno kras yaake, har mishto his an peskre yaka.

Gosewe laba 3:5

Čip tiro tselo dji ap o baro Debleste! Ma pats, kay djineh kokres, hoy mishto oun čačo hi!

Sikepaskro 11:9

Terno morsh, mouk tiro dji te givell an tire terne bersha! Ab barhtelo yaake rah, har terno hal. Kre, hoy tiro dji touke penella oun tire yakentsa mishto hi; oun biste gar, te vell i dives, kay rakrell o Devel o čačepen vin pral toute oun halauter, hoy kral.

Gosewe laba 14:12

Hi menshe koy, kay patsenn, kay lengro drom o čačo drom hi, oun djinenn gar, kay anell lo len an o merepen.

Čačepangre 19:1

An ko tsiro kay kek baro ray an o Israel das, djivas dour palla an i berge Efrayim i Levitari. Kova his romedino oun las peske i douyti djouvel koy pashel. Koya vas dran Betlehem an Youda.

Čačepangre 18:1

An ko tsiro das kek baro ray pral o them Israel. Oun kol menshende dran o kheer Dan vas gomme gar pengro them dino, mashkral pengre phralende, kol vavar Yakobeskre čavende. Doleske rodan le penge i them, kay le nay djivans.

Debleskri gili 12:4

Baro Devel, kre, te rikrenn le pengre mouya, kolla, kay rakrenn douy čipyentsa! Pande kolenge o mouy, kay yaake bares rakrenna,

Čačepangre 18:7

Oun kol panč morsha djan doureder oun van an o foro Layish. Oun yon dikan i menshen, kay koy his. Kolla djivan kek daryah, yaake har i Sidonarya ninna djivan, kek daryah oun kek kourepah. Oun an o tselo them his kek, kay dals len trad oun rikrals len tele. Oun yon his dour krik o forestar Sidon. Oun či oun kek his penepaske pral lende.

Čačepangre 21:24

Oun an ko tsiro moukan ninna kol vavar Israelitarya koy platsa, kay le khetne van, oun djan pale khere, hakeno pash peskre menshende oun an peskri familya, an ko them, hoy lenge dino vas.

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

Jesaja 66:3

Kova, kay mange i gouroum marell, marell ninna i menshes i rhorheno debleske. Kova, kay mange i terno bakro temerl dell, marell ninna i djoukles i rhorheno debleske. Kova, kay mange rhapen glan anell, anell ninna balengro rat i rhorheno debleske. Kova, kay mange soungepaskro koova rhačrell, parkrell pes ninna pash i rhorheno debleste. Yon djan pengre dromma yaake har yon les kamenna. Oun shoukar hi an lengre yaka, hoy an mire yaka djoungeles hi.