Čačepangre 20:13 - O Debleskro Lab 2024 (Sinte-Manouche)

¹³ Kanna denn kol morshen vin, kol či-molden dran o foro Gibea, te nay das len moulo, yaake te nay vitsras o čilačepen dran o Israel vin.” I Benyaminarya kaman gar ap pengre phralende, kol vavar Israelitaryen, te shounell,

O Debleskro Drom 2021 (Sinte)

¹³ Kanna denn kol murshen win, kol tchi-molden dran o foro Gibea, te nai das len mulo, jaake te nai witsras o tchilatchepen dran o Israel win.” I Benjaminarja kaman gar ap pengre phralende, kol wawar Israelitarjen, te shunell,

Čačepangre 20:13 Referans Kwoze

Čačepangre 19:22

Oun har yon les penge mishto djal moukan, van morsha dran o foro oun čivan pen troul o kheer tardo, či-molde morsha. Oun kolla dan ap o voudar, oun penan ap ko phouro morsh, koleske ko kheer his: “An menge ko morshes vin, kay pash toute an o kheer vas, te kras dinelo koova leha!”

5. Mose 17:12

Te hi yek koy, kay hi yaake pre-phourdo, te shounell lo gar ap o rashayeste, kay krell i boudi o baro Debleske, oder ap o čačepaskro morsheste, palle hounte vell ko morsh maredo. T'mer hounte lenn o čilačepen dran Israel vin.

5. Mose 13:13

Te shounenn i forestar, hoy t'maro baro Devel t'men das, te djivenn koy dren,

Remarja 1:32

Yon djinenna, o Devel dell kolen i phagi, kay yaake djivenna. Oun koy phagi hi o merepen. Ninna te djinenn le kova, krenn le ko čilačo koova, oun sharenn kolen, kay kova ninna krenna.

Hosea 10:9

O baro Devel penell ap i Israelitarya: T'mare phoure hadan pen pral mande an o foro Gibea. Foun ko tsiro moukan t'mer pale te pale miro drom. Doleske vell an o foro Gibea o kourepen pral kol čilače menshende.

Hosea 9:9

T'maro čilačo koova, hoy krenn, hi yaake djoungelo har kova, hoy vas kerdo an o foro Gibea glan i rah tsiro. Doleske bistrell o baro Devel gar t'mari doosh oun dell t'men t'mari phagi.

Sikepaskro 11:10

Dja koleske dran o drom, hoy anell touke rholi oun douka. Ko tsiro, kay hal i čavo oun i terno morsh, hi sik trouyel.

Gosewe laba 29:1

Koon moukell pes či te penell, oun djal hako tsiro pal peskro shero, savo vella ap yek kopo phagedo, oun kek hi palle koy, kay hadell les pale pre.

2. Familjakro liil 25:20

O Amazya shounas gar koy pre. O baro Devel kamas te dell lo i menshen dran Youda an o vast o baro rayestar Yoash doleske, kay mangan le i debla an, kay an o them Edom an-mangedo van.

2. Familjakro liil 25:16

Oun har o Debleskro rakepaskro leha yaake rakras, penas o baro ray ap leste: “Čivom me tout dren, te peness mange, hoy te krap? Rike tiro mouy, te kameh gar dava te lell!” Oun o Debleskro rakepaskro moukas tele oun penas: “Kanna, kay dikau, hoy kral, oun kameh gar te shounell, hoy touke penom, hayvau me, kay hi an o Debleskro dji, te marell lo tout.”

2. Familjakro liil 13:7

Oun leske ap i rig van či-molde, čilače morsha, oun yon van zorleder har o Roboam, o Salomeskro čavo; an ko tsiro his o Roboam terno, oun leskro dji his gar zorelo. Yaake nay rikras lo pes gar zoreles glan lende.

1. Rajengro liil 21:13

Palle van kol douy či-molde, oun beshan pen vergel leste, oun anan čomone pre ap leste oun penan glan i tsele menshende: “O Nabot praasas o Debles oun o baro rayes.” Palle vas lo dran o foro anlo, oun yon vitsran ap leste barra, yaake meras lo.

2. Samuel 23:6

Kol menshe, kay či molenna, hi har soubyengre patria, kay o dourho krik phourdas, oun kay nay taprell kek i vastentsa.

2. Samuel 20:1

Kova his yaake, kay koy an Gilgal i morsh his, kay či-moldo his. Leskro lab his Sheba. Leskro dad his o Bikri i menshendar Benyamin. O Sheba phourdas an i phourdepaskri oun penas: “T'mer morsha dran Israel! O David hi gar mare menshendar. Men hi či te krell o Isayeskro čaveha. Hakeno t'mendar te djal an peskro kheer!”

1. Samuel 30:22

Mank kol morshende, kay o Davideha djan, his čilače morsha, kay či-moldo his, oun kolla penan: “Yon van gar mentsa. Doleske dah mer len či kolestar, hoy randam! Kokres peskri romyat oun peskre čaven lell hakeno! Oun palle djal lo peske!”

1. Samuel 2:25

Te krell yek čilačepen ap i vavar mensheste, hi lo an o Debleskro vast. Te krell lo čilačepen ap o baro Debleste, koon nay rakrell leske mishto?” Yon shounan gar ap pengro dadeste. O baro Devel kras lengre djia pandlo. Yob kamas len te marell.

5. Mose 24:7

Te vell i morsh tapedo, kay i vavar Israelitares čoras oun leha krell, har te vals lo i ginlo boudepaskro, oder yob bikras les, palle hounte vell ko čorepaskro moulo dino. T'mer hounte čivenn o čilačepen mashkral t'mende vin.

5. Mose 22:24

palle lenn kol douyen oun anenn len vin glan o foro, oun vitsrenn barra ap lende, bis te hi le moulo: Koy čay, kay gar gole das, ninna te his li an o foro, kay nay vals li shounlo. Oun ko morshes, kay ladj ap i pirnyate i vavarestar anas. Yaake čivenn t'mer o čilačepen mank t'mende vin.

5. Mose 22:21

palle hounte vell li vin anlo glan o kheer lakro dadestar. Oun i morsha dran ko foro vitsrenn barra ap late, bis te mouli hi li. Yoy kras i vi-ladjedo koova mank i Israelitarya, har loubras li trouyel an peskro dadeskro kheer. Yaake čivenn t'mer o čilačepen mank t'mende vin.

5. Mose 21:21

Oun i tsele morsha dran ko foro hounte vitsrenn barra ap leste, bis te hi lo moulo. Yaake vitsrenn t'mer o čilačepen dran t'mende vin. Oun i tsele Israelitarya hounte shounenn kolestar oun darenn.

5. Mose 19:19

palle krenn leha kova, hoy kamas yob peskro phraleha te krell. Yaake lenn t'mer o čilačepen mashkral t'mende krik.

5. Mose 17:7

Kolla, kay dikan ko djoungelo koova, venn i glanstoune, te vitsrenn le barra ap lende. Oun pal lende venn kol vavar, kay glan o foro van, oun vitsrenn len moulo. Yaake lenn t'mer o čilačepen mashkral t'mende krik.

5. Mose 13:5

Leske djan palla! Rikrenn les t'menge glan i yaka pash halauter, hoy krenn! Lauter, hoy yob penas, krenn! Shounenn ap leste! Mangenn les an! Oun rikrenn t'men ap leste!

2. Korintarja 6:15

Hoy hi o Yezous Kristes i bengeha khetne? Či! Nay venn i patslen yek dji oun yek djipen kolentsa, kay patsenn gar? Na-a!

Čačepangre 20:12

Oun dran haki bari familya, hoy vella kol deesh-te-douy Yakobeskre čavendar, bičran le morshen an i gaba oun forya, kay i Benyaminarya djivenn, oun moukan len te poučell: “Havo čilačo koova hi kova, hoy pash t'mende kerdo vas?

Čačepangre 20:14

oun van dran i tsele forya khetne an o foro Gibea, te marenn le pen i morshentsa dran Israel.

5. Mose 13:6

Oun ko rakepaskro, ninna kova, koles kol sounya hi, yob hounte vell maredo. Yob kamas t'men t'maro baro Deblestar krik te anell, kolestar, kay anas t'men vin dran o them Egiptia oun las t'men vin dran o pandepen. Ko mensho kamas te djan t'mer tele o dromestar, hoy t'maro baro Devel penas, te hounte djan ap leste. Oun t'mer hounte vitsrenn vin o čilačepen, hoy mashkral t'mende hi.