Čačepangre 2:13 - O Debleskro Lab 2024 (Sinte-Manouche)

¹³ Oun yon moukan o baro Debles oun mangan o debles Baal an oun ninna i debletsa Astarte.

O Debleskro Drom 2021 (Sinte)

¹³ Un jon mukan o baro Debles un mangan o debles Baal an un ninna i debletsa Astarte.

Čačepangre 2:13 Referans Kwoze

Čačepangre 10:6

Oun i Israelitarya kran pale kova, hoy čilačes his glan o baro Debleskre yaka. Oun yon mangan i vavar deblen an: ko debles, kay kharell Baal, oun i debletsa, kay kharell Astarte, oun kol deblen, kay mangenn kol menshe an, kay djivenn an Syria, an Sidon, an Moab, an Ammon oun an Filistia. Oun i Israelitarya moukan o baro Debles oun mangan les bouder gar an.

Debleskri gili 106:36

oun mangan lengre deblen an. Yaake peran le o baro Debleskro dromestar tele.

Čačepangre 3:7

Oun i Israelitarya kran, hoy čilačes his glan i yaka o baro Deblestar, oun bistran, kay o baro Devel pengro Devel hi. Oun yon mangan o debles Baal oun i debletsa Ashera an.

1. Korintarja 8:5

Ninna te hi savo koova an o bolepen oun ap i phoub, hoy i menshe an-mangenna, oun ninna te dell boud, ap kolende i menshe penenna “mo devel” oun “mo ray”,

2. Rajengro liil 23:13

Ninna kras lo kol moulne platse pale-čiddo, hoy kras o Salomo, ko baro ray pral Israel. Kolla his tardo ap koy rig o forestar Yerusalem, kay o kham pre-djal, ap i čači rig o djeteskri bergatar. O Salomo kras len, te venn kote kol djoungele moule debla an-mangedo: i Astarte, koy debletsa dran Sidon; oun o Kemosh, ko devel dran o them Moab; oun o Milkom, ko devel dran o them Ammon.

1. Rajengro liil 11:33

O Salomo moukas man, oun mangas i Astarte an, kay debletsa, hoy i Sidonarya an-mangenn. Ninna mangas lo o Kemosh an, ko devel, hoy i Moabarya an-mangenn, oun o Milkom, ko devel, hoy i Ammonarya an-mangenn. Yob djas gar ap mire dromma oun kras gar, hoy mishto hi glan mire yaka. Pal mire laba oun miro čačepen djivas lo gar, har kova leskro dad, o David kras.

1. Rajengro liil 11:5

Oun o Salomo mangas i debletsa Astarte an, hoy his koy debletsa foun i Sidonarya. Ninna o debles Milkom mangas lo an, ko djoungelo debles, koles i Ammonarya an-mangan.

1. Samuel 31:10

Oun yon čivan leskro rharo oun leskro vitsepaskro čouri an o kheer, kay lengri debletsa, i Astarte, his. Oun o moulo Saul dan le sasterentsa ap i massouri, hoy hi troul o foro Bet-Shean.

Čačepangre 2:11

Oun koy kran i Israelitarya kova, hoy čilačes hi glan o baro Debleskre yaka. Oun yon mangan ko debles an, hoy kharas Baal,

1. Samuel 7:3

Kote penas o Samuel ap lende: “Te kamenn t'mer t'maro tselo djiyeha pale ap o baro Debleskro drom te djal, palle čivenn i rhorhene deblen t'mendar krik, ninna i debletsa Astarte! Patsenn ap o baro Debleste, oun mangenn les kokres an oun kek vavares! Palle lell yob t'men vin dran i vasta i Filistarendar.”

1. Samuel 12:10

Koy dan le gole ap o baro Debleste, te vell lo ap lengri rig, oun penan: “Mer lam doosh ap mende, te djam krik toutar, baro Deblestar, oun mangam kol deblen an, kay kharenna Baal oun Astarte. Kanna le men vin dran i vasta kolendar, kay men tele rikrenn. Palle vess tou kokres maro Devel.”

2. Familjakro liil 7:22

Palle vell lenge penlo: “Yon moukan o baro Debles, ko Debles lengre phourendar, koles kay len dran o them Egiptia vin anas. Yon rikran pen ap i vavar debla. Glan lende djan le ap pengre čanga oun mangan len an. Doleske anas yob kay tseli bibarht pral lende.”

4. Mose 25:3

Yaake nashas o Israel o rhorheno debleske, o Baal-Peor, palla. Koy vas o baro Debleskri rholi pral o Israel.

2. Familjakro liil 12:2

Har o Roboam an o pančto bersh o baro ray his, vas o Shishak, ko baro ray pral o them Egiptia, peskre lourdentsa, te lell lo o foro Yerusalem dren. Kova vas pral i Israelitarya doleske, kay djan le o baro Debleskro dromestar tele.

2. Familjakro liil 28:3

oun rhačras soungepaskro koova an i tala, hoy kharell Ben-Hinnom. Ninna rhačras lo peskre čaven i rhorhene deblenge. Yaake kras lo savo djoungelo koova, har i menshe an vavar themma kran, – save menshe har kolla, kay o baro Devel glan i Israelende dran o them tradas.

2. Familjakro liil 33:3

Yob čivas kol moulne platse pale pre, kay i moule deblenge firhe rhačedo van. Kol platse das leskro dad, o Hiskiya, khetne. Oun o Manasse moukas rhačepangre te krell, kay firhe rhačedo venn o debleske Baal, kay i rhorheno devel hi. Oun yob kras figure, hoy sikran i debletsa Ashera. Oun yob mangas i bolepangre momlia an oun vitsras pes glan lende tele.

Jeremia 2:20

O baro Devel penell: Hako tsiro hadal tout pral mande, oun kamal mange gar palla te djal. Tou penal: Me kamau kek ray pral mande. Oun čival tout koy har i loubni ap i berga tel hako zenelo rouk.

Jeremia 16:11

Palle hounte peness tou lenge: T'mare phoure djan mandar krik, oun nashan vavar deblenge palla. Yon vitsran pen tele glan lende oun mangan len an. Man moukan le oun rikran pen gar ap kol laba, hoy lenge penom.