Čačepangre 18:31 - O Debleskro Lab 2024 (Sinte-Manouche)

³¹ Yon čivan koy figura, hoy o Mika kras, pash pende pre yaake rah, har o Debleskro kheer an o foro Shilo his.

O Debleskro Drom 2021 (Sinte)

³¹ Jon tchiwan koi figura, hoi o Micha kras, pash pende pre jaake rah, har o Debleskro kheer an o foro Shilo his.

Čačepangre 18:31 Referans Kwoze

Josua 18:1

Oun i tsele Israelitarya van khetne an o foro Shilo, oun čivan kote o Debleskro plarhteno kheer pre. Ninna te his o them an lengro vast oun yon his ray pral leste,

1. Samuel 1:3

Oun ko morsh djas hako bersh vin dran peskro foro, te mangell lo an o foro Shilo o baro Debles an, ko rayes pral o bolepen oun i phoub, oun te anell lo leske i firhes, hoy vell leske maredo. Kote his douy phrala o baro Debleskre rashaya: o Hofni oun o Pinhas. Kolengro dad his o Eli.

Čačepangre 19:18

Oun yob penas ap leste: “Mer ham ap o drom dran o foro Betlehem an Youda, oun kamah dour an i berge Efrayim te djal, kay khere hom. Oun me djom tele an o foro Betlehem an o them Youda. Oun djau kanna pale an miro kheer. Oun kate an kava foro dell kek, kay man an peskro kheer pre lals, na-a, kek.

Jeremia 7:12

Djan pash ko foro Shilo, kay glan rah tsiro miro kheer tardo his. Oun dikenn, hoy me kote krom doleske, kay mire menshe Israel čilačepen kran.

1. Samuel 4:4

Oun yon bičran morshen an Shilo, oun moukan ko morhton pash pende te anell, an koleste i deesh laba hi o baro Deblestar, kay hi o ray pral o bolepen oun i phoub, oun hi beshdo pral i bolepangre. Oun kol douy čave o Elyestar, o Hofni oun o Pinhas djan o morhtoneha.

Čačepangre 21:21

Te dikenn t'mer, te venn i terne ča dran Shilo khelepah oun gipah vin dran o foro, palle stenn dran t'maro khatepen vin! Oun hakeno t'mendar taprell peske yek terni čay, te romedinerell lo lat. Oun khetne lah djal lo khere an o them Benyamin.

Čačepangre 21:19

Oun yon penan penge: “Hako bersh hi i baro rhapen an o foro Shilo, kay venn i menshe khetne te sharenn le o baro Debles.” [Shilo hi čiddo ap i servi rig o forestar Betel, oun ap i čači rig o forestar Lebona, pash ko drom, kay djal dran Betel an o foro Sichem, ap koy rig ko dromestar, kay o kham pre djal.]

Jeremia 41:5

van orhta-deesh morsha dran i forya Sichem, Shilo oun Samaria. Lengre čora his tele činle, oun lengre ripya paash, oun yon činan pen ap pende kokres, te sikrenn le kay lenge ropaske hi. Oun yon hidjran rhapen pash pende o baro Debleske, oun soungepaskro koova, te anenn le kova an o baro Debleskro kheer.