Čačepangre 16:15 - O Debleskro Lab 2024 (Sinte-Manouche)

¹⁵ Kote penas li ap leste: “Har nay peneh tou ap mande me kamau tout, te hi tiro dji gar mantsa? Triin kope rhorhral tou man, oun penal mange gar, kay tiri bari zoor vell.”

O Debleskro Drom 2021 (Sinte)

¹⁵ Kote penas li ap leste: “Har nai peneh tu ap mande ‘me kamau tut’, te hi tiro dji gar mantsa? Triin kope chochral tu man, un penal mange gar, kai tiri bari soor well.”

Čačepangre 16:15 Referans Kwoze

Čačepangre 14:16

Kote rovas i Simsoneskri romni ap leste oun penas ap leste: “Tou kameh man gar, oun nay dikeh man gar glan i yaka. Mire menshendar poučal čomone phares, oun mange penal tou gar, hoy kova kamell te penell.” Oun yob penas: “Dik, miro dadeske oun miri dake penom kova gar. Hoske penap les touke?”

1. Johanni 5:3

Maro kamlepen o Debleske sikrell pes, te krah mer kova, hoy yob menge penella. Oun kova, hoy yob menge penella te kras, kova hi gar pharo.

Johanni 15:10

Te krenn t'mer kova, hoy me t'menge penom, ačenn t'mer an miro kamlepen yaake, har me kova krau, hoy miro dad mange penas. Oun me ačau an leskro kamlepen.

Johanni 14:15

“Te kamenn t'mer man o djiyestar, krenn t'mer, hoy me t'menge penom.

Gosewe laba 23:26

Miro čavo, kre tiro dji mange pre, oun dja ap mire dromma!

Gosewe laba 2:16

Ma kre har yon, te peress gar dren ap i shoukar laba i djouvyatar kay i vavareskri romni hi,

2. Samuel 16:17

Koy poučas o Absalom lestar: “Hi kova tiro kamlepen tiro maleske o Davideske? Hoske djal tou gar tiro maleha?”

5. Mose 6:5

Tou kamess les tiro tselo djiyestar oun tiro tselo djipah oun tiri tseli zoryah.

1. Mose 29:20

Yaake boudras o Yakob efta bersha, te romedinerell lo i Rachel. Oun kal bersha his an leskre yaka har i tikno tsiro, yaake boud kamas lo lat.

Čačepangre 16:14

Oun har sovas lo, pandas yoy leskre balla khetne i thabentsa ap lakro thabengro banko, oun las i kangli oun tserdas lauter zoreles khetne, oun penas: “Filistarya hi pral toute, Simson!” Kote stas lo dran peskro sopen pre, oun tserdas peskre balla khetne i thabentsa vin dran o thabengro banko. Ninna ko kasht, hoy lauter pandlo rikras, tserdas lo vin.

Čačepangre 16:16

Oun har yoy gar tele moukas hako dives ap leste te djal, oun les lakre labentsa maras, kote vas leskro dji yaake khino, te kamas lo te merell.

Nehemia 6:4

Star kope bičran le morshen pash mande kol labentsa. Oun star kope penom lenge kal emlige laba pale.