Čačepangre 13:1 - O Debleskro Lab 2024 (Sinte-Manouche)

¹ Oun i Israelitarya kran pale, hoy čilačes hi glan o baro Debleskre yaka. Oun o baro Devel das len an i vasta i Filistarendar. Oun kolla his i raya pral lende star-desha bersha.

O Debleskro Drom 2021 (Sinte)

¹ Un i Israelitarja kran pale, hoi tchilatches hi glan o baro Debleskre jaka. Un o baro Dewel das len an i wasta i Filistarendar. Un kolla his i raja pral lende star-desha bersha.

Čačepangre 13:1 Referans Kwoze

1. Samuel 12:9

Yon bistran pengro baro Debles. Oun yob das len an i vasta kolendar, kay kouran pen lentsa: o Sisera, ko pralstouno lourdo o forestar Hazor, i Filistarya, oun o ray pral o them Moab.

Čačepangre 6:1

Oun i Israelitarya kran, hoy čilačes hi glan o baro Debleskre yaka. Doleske das o baro Devel len efta bersha an o vast kol menshendar, kay kharenna Midianarya.

Remarja 2:6

Ap ko dives dell lo hakenes pal kova, hoy yob kras.

Čačepangre 3:7

Oun i Israelitarya kran, hoy čilačes his glan i yaka o baro Deblestar, oun bistran, kay o baro Devel pengro Devel hi. Oun yon mangan o debles Baal oun i debletsa Ashera an.

Čačepangre 2:11

Oun koy kran i Israelitarya kova, hoy čilačes hi glan o baro Debleskre yaka. Oun yon mangan ko debles an, hoy kharas Baal,

Čačepangre 10:6

Oun i Israelitarya kran pale kova, hoy čilačes his glan o baro Debleskre yaka. Oun yon mangan i vavar deblen an: ko debles, kay kharell Baal, oun i debletsa, kay kharell Astarte, oun kol deblen, kay mangenn kol menshe an, kay djivenn an Syria, an Sidon, an Moab, an Ammon oun an Filistia. Oun i Israelitarya moukan o baro Debles oun mangan les bouder gar an.

Čačepangre 4:1

Oun har o Ehoud moulo his, kran i Israelitarya pale, hoy čilačo his glan i yaka o baro Deblestar.

Jeremia 13:23

Nay krell i kalo mensho peskri kali hauta vavarčandes? Na-a! Nay krell i divyi margodja peskre balla vavarčandes? Na-a! Yaake nay krenn t'mer kek lačepen, ko čilačepen djas t'menge an o mass oun o rat.

Hebrearja 11:32

Hoy te penap t'menge boudeder? Yaake boud tsiro hi man gar, te rakrap kol morshendar Gideon, Barak, Simson, Yefta, David, Samuel oun kolendar, kay his o Debleskre rakepangre.

Čačepangre 12:15

Oun har meras lo, vas lo paskedo an o foro Piraton an o them Efrayim an ko pralstouno them, kay glan kova i Amalekarya djivan.

Čačepangre 15:11

Kote djan triin zerya morsha dran Youda tele pash koy grotta pash Etam, oun penan ap o Simson: “Djineh tou gar, te hi i Filistarya pral mende ray? Hoske kral tou kova mentsa?” Oun yob penas ap lende: “Yaake har yon les mange kran, yaake krom me les lenge.”

Čačepangre 15:20

Oun an ko tsiro, kay i Filistarya i raya his pral o them, his o Simson biish bersha o čačepaskro ray pral o Israel.

1. Samuel 4:9

Avenn zorele t'mer Filistarya! Kourenn t'men har čače morsha, te perenn gar an i Israelengre vasta! Te venn yon i zorleder pral t'mende, hounte boudrenn t'mer lenge yaake, har yon hounte boudran menge. Avenn kanna morsha oun kourenn t'men!”

1. Samuel 7:13

Yaake peras i ladj ap i Filistarya. Oun yon van bouder gar an o Israeleskro them. Oun o vast o baro Deblestar his phares čiddo ap lende, yaake rah har o Samuel djivas.

Čačepangre 10:7

Kote rhačas i bari rholi pre an o baro Debleste ap i Israelitarya. Oun yob das len an i vasta i menshendar dran i themma Filistia oun Ammon.

Čačepangre 14:4

Leskro dad oun leskri day hayvan gar, te vas kova o baro Deblestar, kay i drom rodas, te nay perell lo ap i Filistarya. Kolla his i raya pral o Israel an ko tsiro.