Bičepangre 8:17 - O Debleskro Lab 2024 (Sinte-Manouche)

¹⁷ Koy čivan o Petro oun o Yohanni i vasta ap lende, oun o Debleskro Dourho peras ap lende.

O Debleskro Drom 2021 (Sinte)

¹⁷ Koi tchiwan o Petro un o Johanni i wasta ap lende, un o Debleskro Ducho peras ap lende.

Bičepangre 8:17 Referans Kwoze

Bičepangre 19:6

Oun o Paulo čivas i vasta ap lende, oun o Debleskro Dourho vas ap lende. Oun yon rakran an vavar rakepen, oun penan kova, hoy o Devel lende sikras.

Bičepangre 6:6

Kol morshen anan le pash o Yezouseskre bičepangre. Kolla čivan i vasta ap lende, oun mangan o Debles, te dell lo len zoor oun gosvepen an lengri boudi.

2. Timoteo 1:6

Doleske mangau tout: Mouk koy zoor an toute te boudrell, hoy o Devel tout das! Tou lal koy zoor, har mangom o Debles touke, oun har čivom touke i vasta pre.

Bičepangre 8:18

Har o Simon dikas, kay o Debleskro Dourho ap lende vas, har o Yezouseskre bičepangre i vasta ap lende čivan, kamas yob len love te dell,

Bičepangre 2:4

Oun yon van lauter pherdo Debleskro Dourho, oun rakran an vavar rakepen. Oun yon rakran ko rakepen, hoy o Debleskro Dourho len das.

Hebrearja 6:2

Ninna vas t'menge penlo, te moukenn t'men te taufrell, oun hoske i patslo peskre vasta ap i vavareste čivella. T'menge vas ninna penlo, te krell o Devel i moulen djido, oun te rakrell lo o čačepen pral lende vin. Kova, hoy yob len dell, – o djipen har i phagi, – kova ačell hako tsiro ap lende.

Remarja 1:11

O tselo djiyeha kamau t'men te dikell, te nay sikrap t'mende, hoy o Debleskro Dourho mande sikras, te krap t'maro patsepen zoreles.

Bičepangre 9:17

O Anania djas koy, vas an ko kheer, čivas i vasta ap o Sauleste oun penas: “Miro phraal Saulo, maro ray Yezous bičras man, kova, kay moukas pes ap ko drom toutar te dikell. Yob kamell, te dikess tou nay pale, oun te vess pherdo Debleskro Dourho.”

4. Mose 27:18

Oun o baro Devel penas ap o Moseste: “Le o Yosua pash toute, koleskro dad o Noun hi. O Yosua hi i morsh, ap koleste miro dourho čiddo hi. Oun čip tire vasta ap leste,

4. Mose 8:10

Oun tou aness kol Levitaryen glan o baro Debleste. Oun kol Israelitarya hounte čivenn pengre vasta ap lende, te sikrenn le, yon hi kolla, kolen i Israelitarya o baro Debleste denna, te krenn yon i boudi an leskro kheer. Oun o Aron anell i Levitaryen glan o baro Debleste.

1. Timoteo 5:22

Ma čip sik tire vasta ap yekeste pre! De yak, te vell i doosh i vavarestar gar ap toute! Rike tiro dji djoudjo!

1. Timoteo 4:14

Ma biste koy boudi, hoy o Debleskro Dourho tout das, har kol phoureder phrala touke i vasta pre čivan, oun hoy yon pral toute glan-vi penan!

Bičepangre 13:3

Oun yon rhan gomme i tikno tsiro či oun mangan o Debles an. Palle, čivan le i vasta ap lende oun penan: “Ačenn mo Debleha!” oun moukan len te djal.

Markus 5:23

oun mangas les o tselo djiyeha oun penas: “Miri čay hi ap o merepen čiddo. Am oun čip tire vasta ap late, te vell li sasto, oun te djivell li!”