Bičepangre 7:32 - O Debleskro Lab 2024 (Sinte-Manouche)

³² Me hom o Devel tire phourendar, o Devel o Abrahamestar, o Isaakestar, oun o Yakobestar. Oun i bari traash vas ap o Moseste, har yob kova shounas, oun daryatar nay dikas lo gar kote pre.

O Debleskro Drom 2021 (Sinte)

³² Me hom o Dewel tire phurendar, o Dewel o Abrahamestar, o Isaakestar, un o Jakobestar. Un i bari traash was ap o Moseste, har job kowa shunas, un darjatar nai dikas lo gar kote pre.

Bičepangre 7:32 Referans Kwoze

2. Mose 3:6

Oun pale penas lo ap o Moseste: “Me hom tiro dadeskro Devel, oun o Abrahameskro Devel, oun o Isaakeskro Devel oun o Yakobeskro Devel.” Oun o Mose čivas i diklo glan peskre yaka. Yob daras, te dikell lo ap o Debleste.

Mateo 22:32

Me hom o Abrahameskro Devel oun o Isaakeskro Devel oun o Yakobeskro Devel. Oun me penau t'menge: Yob hi gar o Devel kolenge, kay moulo hi. Na-a, yob hi o Devel i djidenge.”

Debleskro tsiro 1:17

Oun har dikom les, perom glan leskre herya khetne, har voms moulo. Oun yob čivas peskro čačo vast ap mande, oun penas: “Ma dare! Mandar vas halauter. Oun lauter vella pale glan mande.

Hebrearja 11:16

Kova kran le gar. Na-a. Lengro dji das gole pal i lačeder them. Kova hi an o bolepen. Doleske ladjell o Devel lenge gar, te penenn le: “Maro Devel!” ap leste. Oun yob kras lenge i foro.

Bičepangre 3:13

Na-a! O Devel o Abrahamestar, oun o Isaakestar oun o Yakobestar, ko Devel mare dadendar sikras t'mende kate, havi bari zoor oun raylepen yob peskro boudepaskres, o Yezouses, das. Koles dan t'mer an o Pilateskre vasta, oun dan les bourhoste, har o Pilato kamas les te djal moukell.

Louka 5:8

Har o Simon Petro kova dikas, peras lo glan o Yezouseste tele ap i phoub, oun penas: “Dja touke mandar, miro ray! Me hom i morsh, ap kaleste doosh hi.”

Mateo 17:6

Oun har yon kova shounan, vitsran le pen i bari daryatar ap i phoub.

Debleskri gili 89:7

Koon an o bolepen hi yaake har tou, maro baro Devel? Havo Devel nay vell yaake har maro baro Devel?

Hiob 4:14

Traash oun trisslepen vas ap mande. Mire tsele kokale trissan.

1. Rajengro liil 19:13

Har o Eliya kova shounas, čivas lo peskri plaashka glan peskro mouy, djas i kotar glan oun ačas tardo an i voudar an koy grotta. Oun i rakepen vas pash leste, hoy penas: “Hoy kameh tou kate, Eliya?”

2. Mose 33:20

Mire yaka oun miro mouy dikess tou gar. Kek mensho, kay dikas man, ačell djido.

2. Mose 4:5

Oun o baro Devel penas: “Mose, kre kava glan i Israelitarya! Palle patsenn le ap toute, te moukom man me, o baro Devel, glan toute te dikell. Palle djinenn le, te hom me o Devel, koles lengre phoure, o Abraham, o Isaak oun o Yakob an-mangan.”

1. Mose 50:24

Oun o Yosef penas ap peskre phralende: “Me merau kanna. O Devel dikella lačes ap t'mende, oun anell t'men dran kava them vin, an ko them, kay yob peskro vast pre das, te dell lo les o Abrahameste, o Isaakeste oun o Yakobeste.”

1. Mose 26:24

An koy rati moukas pes o baro Devel lestar te dikell oun penas: “Me hom o Devel tiro dadestar Abraham. Ma traash! Me hom touha. Me čivau miri zoor oun miri barht ap toute. Tire čave, kay pal toute venna, venna boud oun boudeder. Yaake dom miro lab o Abrahameste, kay mange koy his.”

Mateo 22:46

Oun kek lendar nashte penas o Yezouseske yek lab koy pre. Oun pal ko dives trashan le, te poučenn le lestar boudeder.

Bičepangre 7:31

Hoy yob kote dikas, nay patsas lo gar. Yaake djas lo pash ko bour, te nay dikell lo feteder, hoy kova hi. Kote rakras o Devel ap leste: