Bičepangre 7:21 - O Debleskro Lab 2024 (Sinte-Manouche)

²¹ Oun palle nay khatran le o Moses bouder gar an o kheer. Oun kote, kay čivan le les, hatsas les i čay o baro rayestar pral o them Egiptia. Oun yoy las les pash peste oun tserdas les pre, har te vals lo lakro čavo.

O Debleskro Drom 2021 (Sinte)

²¹ Un palle nai khatran le o Moses buder gar an o kheer. Un kote, kai tchiwan le les, hatsas les i tchai o baro rajestar pral o them Egiptia. Un joi las les pash peste un tserdas les pre, har te wals lo lakro tchawo.

Bičepangre 7:21 Referans Kwoze

Hebrearja 11:24

Ninna o Mose patsas ap o Debleste. Har yob baro vas pash o baro rayeste pral o them Egiptia, kamas lo bouder gar, te kharenn le les: O baro rayeskri čakro čavo. Feteder kamas lo douka ap peste te lell, khetne i vavar Debleskre menshentsa, har te djivell lo i tikno tsiro i shoukar djipen an o rayeskro kheer, kay djivan le yaake, har o Devel gar kamas.

5. Mose 32:26

Te daroms me gar o sapen kolendar, kay hi rhoyedo pral lende, penoms me: “Me marau len halauteren, te vell lengro lab bistedo ap i phoub.” Kova krau gar, te phourdenn pen kolla gar pre, kay kouran pen lentsa, te nashte penenn yon gar: “Dran mari zoor vas kova. O baro Devel kras kava gar.”