Bičepangre 6:7 - O Debleskro Lab 2024 (Sinte-Manouche)

⁷ O Debleskro lab vas boud oun boudeder menshenge penlo, oun boud van patslo. An o foro Yerusalem van ninna boud rashaya patslo.

O Debleskro Drom 2021 (Sinte)

⁷ O Debleskro lab was bud un budeder menshenge penlo, un bud wan patslo. An o foro Jerusalem wan ninna bud rashaja patslo.

Bičepangre 6:7 Referans Kwoze

Bičepangre 19:20

Yaake shounan boud oun boudeder o Yezousestar, maro rayestar. Oun yob kras, te vas peskro lab zorelo mank lende.

Bičepangre 12:24

An boud gaba oun forya vas o Debleskro lab penlo. Oun boudeder oun boudeder menshe patsan ap o ray Yezouseste.

Kolossarja 1:6

Kava lačo lab vas gar t'menge kokres penlo. Na-a, kava lab vell ap i tseli phoub penlo. Oun boud oun boudeder menshe venna patsle. Yaake hi ninna pash t'mende: T'mer shounan ko lačo lab, oun hayvan čačepah, kay hi o Devel lačes ap t'mende.

Hebrearja 5:9

Oun yob kras kova lauter, oun či ačas pral, hoy hounte krals lo gomme. Yaake nay lell lo lauteren, kay ap leste shounenna, hako tsireske dran o čilačepen oun o merepen vin.

Remarja 16:26

Kanna vell ko drom diklo. Ko dromestar činan i Debleskre rakepangre an pengre lila, yaake har o baro Devel kamas. Kova djivella hako tsiro, oun kamas i tsele menshendar ap i phoub, te patsenn le oun shounenn le ap leste.

Remarja 1:5

Yob das man koy Debleskri boudi te djap pash i menshende an i tsele themma. Yob bičras man, te penap lenge, te patsenn le ap leste oun shounenn ap leste.

Bičepangre 14:22

djan pash i patslende oun dan len zoor an o dji, oun rakran lenge an o dji, te ačenn yon an o patsepen. Oun yon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

Hebrearja 11:8

Ninna o Abraham patsas, hoy o Devel penas. Har yob leske penas: Dja an ko them, hoy me dau toute oun tire čavende, koy shounas o Abraham ap leste, oun djas dran peskro them vin, oun djinas gar, kay yob djala.

2. Timoteo 2:9

Koleske lau douka ap mande. Yon pandan man an o stilepen, har te voms i marepaskro. Ninna te pandan le man an o stilepen, nay pandenn yon gar o Debleskro lab.

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

Bičepangre 21:20

Har yon kova shounan, sharan le o Debles, oun penan ap o Pauleste: Miro phraal, tou dikeh har boud zerya bibolde patslo van, oun lauter rikrenn pen pengri tseli zoryah ap kova, hoy o Mose an peskre lila penas.

Bičepangre 13:8

Ko dourkepaskro, o Elimas, – yaake his leskro lab ap grichtikes, – kamas kova gar oun kras lauter, te rikrell lo ko pralstounes pale, te vell yob gar patslo.

Johanni 12:42

Ninna boud kol pralstoune biboldendar patsan ap leste. Oun yon penan či i vavarenge, kay yon ninna ap o Yezouseste patsenna. Yon daran i Farisarendar, te venn le lendar gar pale-čiddo kerdo.

Louka 2:34

Oun o Simeon rakras o Debleskri barht pral lende vin oun penas ap i Mariate: “Pral kava čaveste rhoyrenn pen boud menshe an o them Israel. Ap leste sikrell pes, koon djal ap o Debleskro drom, oun koon perell o Debleskro dromestar tele.

Mateo 19:30

Oun boud, kay kanna glan tardo hi, kolla hi ap ko dives palla tardo. Oun boud, kay kanna palla tardo hi, kolla hi ap ko dives glan tardo.”

Debleskri gili 132:16

Lengre rashayenge dau an o dji, te penenn le miro lačepen doureder. Oun kol menshe, kay mire hi, denn gole i barhtyatar.

Debleskri gili 132:9

Čip o čačepen pral tire rashaya har i ripen! Mou denn tire menshe gole i barhtyatar!

2. Familjakro liil 30:24

Oun o Hiskiya, o baro ray pral Youda, das len 1.000 (yek zero) terne gourma oun 7.000 (efta zerya) bakre. Oun i pralstoune dan len ninna yek zero terne gourma oun deesh zerya bakre. Oun boud kol rashayendar kran pen djoudjo pengri boudjake o Debleske.

2. Familjakro liil 29:34

Kote his gar doha rashaya, te tserdenn le i hauta kol tsele marede firhendar tele. Doleske van lenge lengre phrala, kol Levitarya, pash o vast, bis te i tseli boudi kerdo his, oun boudeder rashaya pen djoudjo kran o baro Debleske. [I Levitarya his sikeder koy pashel, te krenn le pen djoudjo o Debleske har i rashaya.]

Bičepangre 2:47

Yon sharan o Debles, oun i tsele menshe dikan lačes ap lende. Oun hako dives van vavar menshe koy pashel, hoy patslo van.

Bičepangre 6:1

An kol divessa, kay i patsle boudeder van, djas i čingepen mashkral i patslende, kay rakran hebretikes, oun kol patslende, kay rakran grichtikes. Mashkral kolla, kay rakran grichtikes, his djouvya, kolengre romma moulo his. Oun kolla lan gar yaake boud rhapaske har kolla, kay rakran hebretikes. Doleske his kolla, kay rakran grichtikes, rhoyedo ap kolende, kay rakran hebretikes.

Galatarja 1:23

Yon shounan, hoy vavar pral mande penan: “Ko morsh, kay men palla las oun kamas o patsepen ap o Yezouseste paash te krell, ko morsh penell kanna i menshenge, te djan le ap o Yezouseskro drom.”

Galatarja 6:10

Doleske kras lačo koova yaake boud, har krah nay, hake menshenge, boudeder kol patslenge.

Judas 1:3

Mire phrala oun phenya, his i tsiro, kay kamoms t'menge an i liil te činell, har lačo o Devel ap mende hi, te las lo men dran o čilačepen vin. Pral kova kamau me kanna bouder gar te činell. Kanna dikau, hi feteder, te činap t'menge, te ačenn zoreles an o patsepen. Ma moukenn t'men o Debleskro dromestar tele te anell! Leskro lab, hoy t'menge penlo vas, ačell čačo hako tsiro.

Judas 1:20

T'mer, mire phrala oun phenya, ačenn zoreles an t'maro patsepen, hoy das t'men o Devel. Oun mangenn les yaake, har leskro Dourho an t'mende kamell.