Bičepangre 5:9 - O Debleskro Lab 2024 (Sinte-Manouche)

⁹ O Petro penas ap late: “Hoske kran t'mer kova vin, oun rhorhran o Debles? Kol morsha, kay paskran tiro romes, hi glan o voudar tardo, oun hidjrenn ninna tout vin.”

O Debleskro Drom 2021 (Sinte)

⁹ O Petro penas ap late: “Hoske kran tumer kowa win, un chochran o Debles? Kol mursha, kai paskran tiro romes, hi glan o wudar tardo, un hidjrenn ninna tut win.”

Bičepangre 5:9 Referans Kwoze

1. Korintarja 10:9

Ma rhoyrenn o Yezous Kristes, har kolla an o phouro tsiro o Debles rhoyran, har kran le, har te vals les kek zoor. Oun i sapa dandran len. Oun yon meran.

Debleskri gili 78:56

Kolla hadan pen pale te pale ap o Debleste, ko pralstuneste, oun kaman gar ap leste te shounell, oun rikran gar leskre laba.

Remarja 3:19

Mer djinah: Kova, hoy an o Moseskre laba penlo hi, hi kolenge penlo, kay lan kol laba. Kolla hi i bibolde. Yaake nay penell kek mensho, vitar kek biboldo: Man hi kek doosh. Kek mensho krell o čačepen. Doleske hi kek mensho čačo glan o Debleste.

Bičepangre 15:10

Kamenn t'mer, te vell o Devel rhoyedo ap t'mende? Ma čivenn pharo koova ap lende, kay nay hidjran mare phoure gar, oun mer vitar gar!

Louka 16:2

moukas lo les gole te dell, oun penas ap leste: Hoy shounom me pral toute? Sike mande kol lila, hoy dren činlo hi, har boud love tou dren lal! Tou nay deh bouder gar ap miro bravlepen garda!

Mateo 4:7

Penas o Yezous: “Ninna hi an o Debleskro lab činlo: Rike o Debles gar dineleske, te sikrell lo tout har zorelo yob hi.”

Micha 7:3

Lengre vasta hi sik, te krenn le čilačo koova. I pralstoune oun čačepangre raya denn kolen o čačepen, kay denn len love. Kol zorele an o them krenn, hoy le kamenn, rhorhenn oun rissrenn o čačepen trouyel.

Gosewe laba 16:5

O baro Devel dikell rhoyedes ap hakeneste, koles i pre-phourdo dji hi. O vast pre, kova lell peskri phagi.

Gosewe laba 11:21

Tou nay deh tiro vast koy pre: O čilačo lell peskri phagi. Kolla, kay an o čačepen tardo hi, venn vin lino dran o merepen.

Debleskri gili 50:18

Hako kopo, kay dikeh tou i čorepaskres, kreh tou tout leskro maal, oun hal beshdo khetne kolentsa, kay djan i vavar romyentsa.

2. Rajengro liil 6:32

Oun o baro ray kras pes ap o drom te djal lo pash o Elisa, oun bičras i morshes glan peste. O Elisa his an peskro kheer oun kol phoureder ko forestar his pash leste beshdo. Har ko bičepaskro gomme gar pash leste vas, penas o Elisa ap kol phourende: “Djinenn t'mer, kay ko marepaskro yekes bičras, te dell lo miro shero tele? Te vell ko morsh, krenn o voudar pandlo. Te kamell lo dren te vell, denn les i ladini o voudareha, te ačell lo vin. Me shounau, kay vell leskro ray pal leste.”

4. Mose 14:22

Kol tsele morsha, kay dikan miro raylepen oun ko baro oun zorelo koova, hoy krom an o them Egiptia oun an o moulo tato them, oun kaman boud kope gar te patsell, kay hom lentsa, oun shounan gar ap kova, hoy me penom,

2. Mose 17:7

Koy platsa, kay i menshe čingran ap leste oun kay yon gar patsan, te hi o baro Devel pash lende oun dell len kova, hoy len hounte vell, koy platsa das o Mose i laba Massa oun Meriba.

2. Mose 17:2

Oun yon čingran ap o Moseste oun penan: “De men pani te piyell!” Oun o Mose penas: “Hoske čingrenn t'mer ap mande? Hoske patsenn gar, te hi o baro Devel pash mende oun dell men kova, hoy men hounte vals?”

Remarja 10:15

Te vell kek bičedo pash lende, nay penell lenge kek o Yezous Kristestar. O Debleskro lab penella: Har barhtelo ham pral kolende, kay venn pash mende oun penenn menge o lačo lab!

Bičepangre 5:6

Koy stan i terne morsha pre, oun čivan pral leste i kotar plarhta, hidjran les vin oun paskran les.

1. Mose 20:13

An ko tsiro, har o Devel mange penas, te djap dran miro dadeskro kheer an i dour them, penom me ap late: Yaake nashte sikreh mande, kay kameh man: Kote, kay mer vah, hounte peness tou, kay me tiro phraal hom.”