Bičepangre 5:2 - O Debleskro Lab 2024 (Sinte-Manouche)

² Oun yob rikras love peske pale. Leskri romni djinas kova. Oun yon anan gar i tsele love glan o Yezouseskre bičepangre.

O Debleskro Drom 2021 (Sinte)

² Un job rikras lowe peske pale. Leskri romni djinas kowa. Un jon anan gar i tsele lowe glan o Jesuseskre bitchepangre.

Bičepangre 5:2 Referans Kwoze

Bičepangre 4:37

Oun koles his i kotar phoub. Ko kotar phoub bikras yob, oun anas kol love pash o Yezouseskre bičepangre, te denn le kol love i patslende.

Bičepangre 5:3

O Petro penas ap o Ananias: “Hoske kral tou o bengeske tiro dji pre? Hoske rhorhral tou o Debleskro Dourhes, oun rikral love touke?

Johanni 12:6

Yob penas kova gar, te krell lo i čorvelenge lačo koova. Yob his i čorepaskro. Kol tsele love, hoy i menshe lende dan, his pash leste. Oun yob las peske kol lovendar čomone krik.

Mateo 23:5

Lauter, hoy kolla krenna, krenn le, te dikenn kova i vavar. Te pandenn le i diklo troul o shero oun troul i moussi, kay o Debleskre laba dren činlo hi, yaake hi lengro diklo bourhleder har ko diklo i vavar morshendar. Oun len hi lengste koola ap pende, te sikrenn le i menshende, te hi le o Debleskre morsha.

Maleachi 1:14

Praasedo te vell hakeno, kay pes sovel das, te dell lo man i lačo morsh firho. Oun palle rhorhell lo man oun anell mange i nasselo firhes. Me hom o pralstouno ray, oun i menshe dran vavar themma sharenn man, penell o baro Devel, ko ray pral o bolepen oun i phoub.

1. Timoteo 6:10

Koon pal i love hi, perell an hako čilačepen. His menshe koy, kay kaman i love yaake boud, kay peran le o Debleskro dromestar tele, oun doukran pen kokres.

Filiparja 2:3

Kek te krell čomone, hoy leske kokres mishto hi, vitar či, te vell lo sharedo pash i menshende! Kek te krell, har te vals lo feteder har ko vavar! Na-a, ap hakeneste penau: Dik yaake ap o vavareste, har te vals lo bareder har tou!

Bičepangre 2:44

Kolla, kay patslo van, ačan lauter khetne. Oun yon čivan pengro tselo bravlepen khetne, oun kova his lauterenge koy.

Bičepangre 5:1

I morsh, kay kharas Ananias, leskri romni kharas Safira, yon khetne bikran i kotar phoub.

Bičepangre 5:8

O Petro poučas latar: “Lan t'mer yaake boud love, har t'mer koy kotar phoub bikran?” “Ava, yaake boud love lam,” penas li.