Bičepangre 4:29 - O Debleskro Lab 2024 (Sinte-Manouche)

²⁹ Ray, shouneh tou, kay yon men kanna trad denna? Mer ham tire boudepangre. De men koy zoor, te nay rakras toutar!

O Debleskro Drom 2021 (Sinte)

²⁹ Rai, shuneh tu, kai jon men kanna trad denna? Mer ham tire budepangre. De men koi soor, te nai rakras tutar!

Bičepangre 4:29 Referans Kwoze

Bičepangre 4:13

Har yon dikan, har o Petro oun o Yohanni rakran, kay kek traash an lende his, kran le bare yaka. Oun yon hayvan, kay kolla kek bare rakepangre oun goseve morsha hi, oun djinan ninna, kay yon o Yezouseha khetne his.

Bičepangre 14:3

Oun o Paulo oun o Barnabas ačan i rah tsiro an ko foro. Oun len his kek traash, te sikrenn le i menshende o Yezouseskro drom. Oun o ray Yezous das len i zoor, te kran le baro oun zorelo koova, hoy kek vavar nay kras. Yaake sikras yob, kay kova, hoy yon pral leskro baro lačepen penan, čačo hi.

Filiparja 1:14

Ninna boud patsle van zorleder an o patsepen ap o rayeste, o Yezouseste, kanna, kay me stildo hom. Kolen hi bouder kek traash, te sikrenn le i menshende o Yezouseskro drom.

Bičepangre 4:31

Ap yek kopo, har yon o Debles an-mangan, trissas i phoub kote, kay yon his. Oun o Debleskro Dourho vas ap lauterende. Oun yon penan o Debleskro lab, oun kek traash his an lende.

2. Timoteo 4:17

O ray Yezous his ap miri rig, oun das man i zoor, te nay penap kote o tselo lačo lab lestar, yaake te shounan les ninna kolla, kay hi kek bibolde. Oun yob las man yaake dran lengre vasta vin, har te voms dran i leveskro mouy vin lino.

Bičepangre 28:31

Yob rakras lentsa pral o Debleste oun pral o djipen, hoy i patsle khetne o Debleha djivenna. Oun yob penas lenge lauter, hoy maro ray, o Yezous Kristo lenge kras. Oun les his kek traash, te penell lo kova. Oun kek vas, kay penas, te nay krell lo kova gar.

Bičepangre 19:8

Triin čon ačas o Paulo kote oun rakras an i biboldengri kangri. Oun les his kek traash oun penas i menshenge i bari zoryah, kay o Devel o Yezous Kristes bičras, te lell lo len dran o čilačepen vin.

Bičepangre 13:46

O Paules oun o Barnabes his kek traash lendar, oun penan lenge: “T'menge hounte vas o Debleskro lab glan kol tsele vavar menshende penlo. Har kamenn t'mer kanna či kolestar te djinell, sikrenn t'mer, te han gar moldo, te lenn ko djipen, hoy gar pre-herella. Doleske djah mer kanna pash kolende, kay hi kek bibolde.

Bičepangre 9:27

O Barnabas las les pash peste oun anas les pash kol Yezouseskre bičepangre, oun penas lenge, har o Saulo ap ko drom, kay djal an o foro Damaskus, o ray Yezouses dikas, oun kova leha rakras, oun har yob an o foro Damaskus i menshenge o Yezousestar penas, oun les kek daar his, te rakrell lo lestar.

1. Tessalonikarja 2:2

Glan ko tsiro, kay vam pash t'mende, hams an o foro Filipi. Ninna te vam kote palla lino oun dino, har t'mer djinenn, djam pal kova pash t'mende an o foro Tessalonika. O Devel das men i zoor, te penas t'menge o Debleskro lačo lab, ninna te his pash t'mende boud menshe, kay kran menge o djipen phares.

Bičepangre 4:21

Koy dan le len zoreles trad, oun moukan len te djal. Yon hatsan či ap lende, kay nay dans yon lenge i phagi. I menshe sharan o Debles pral kova, hoy koy djas.

Daniel 9:18

Miro Devel, shoun miro mangepen! Kre tire yaka pre oun dik i tele-phagede barra ko forestar, hoy pal tiro lab kharedo hi. Glan toute ham čiddo maro mangepah oun dikah gar ap o čačepen hoy mer krams, na-a mer dikah ap toute, te kress tou tiro baro dji menge pre.

Ezekiel 2:6

Oun tou mensho, tou daress gar lendar, vitar gar lengre labendar, hoy yon rakrenna. Tou djiveh mank lende har mank skorpione. Yon hi har soubyengre bourra troul toute. Ma mouk len touke daar te krell! Ma traash kolestar, hoy kolla rakrenna, kay moukenn pen či te penell!

Bičepangre 26:26

O baro ray Agrippa djinell kova lauter. Man hi kek traash, te rakrap leha pral halauter. Me djinau, yob shounas kova lauter. Kova, hoy koy djas, ačas gar khatedo.

Micha 3:8

Man hi i bari zoor. O baro Devel čivas peskro dourho an mande. oun kras miro dji pherdi zoor, te rakrap o čačepen vin, te penap o Yakobeskre čavenge pengri doosh, ava, te sikrap i Israelenge kay le o Debleskro dromestar tele djan.

Ropaskre gilja 5:1

Baro Devel, ma biste, hoy mentsa djas! Dik ap mende oun dik mari ladj!

Ropaskre gilja 3:50

bis te dikell o baro Devel dran o bolepen tele, oun lell men pale an o yak.

Jesaja 63:15

Dik dran o bolepen tele, oun dik tele dran tiro raylo kheer! Kay hi tiro kamlepen, hoy menge rhačell? Kay hi tiri zoor? Hi tout bouder kek dji oun kek lačepen menge?

Jesaja 58:1

De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!

Bičepangre 9:28

Oun o Saulo ačas an o foro Yerusalem, oun djas pash i patslende dren oun vin, oun sikras i menshende o Yezouseskro drom oun trashas gar, te rakrell lo o Yezousestar.

2. Korintarja 3:12

Mer djinah zoreles, te hi kova yaake. Doleske hi men kek traash, te penas kova yaake i menshenge.

1. Korintarja 14:13

Hi yaake: Koon an i rakepen rakrella, hoy das les o Debleskro Dourho, kova hounte mangell o Deblestar, te nay penell lo i menshenge kova, hoy koy rakedo vas.