Bičepangre 3:15 - O Debleskro Lab 2024 (Sinte-Manouche)

¹⁵ Ko rayes, kay o djipen della, maran t'mer. Koles moukas o Devel i moulendar pre te stell. Kova djinah mer, mer dikam les.

O Debleskro Drom 2021 (Sinte)

¹⁵ Ko rajes, kai o djipen della, maran tumer. Koles mukas o Dewel i mulendar pre te stell. Kowa djinah mer, mer dikam les.

Bičepangre 3:15 Referans Kwoze

Bičepangre 2:24

Ko Yezouses kras o Devel djido. Yob las les i moulendar vin, oun kek zoor nay rikras les pash i moulende pale.

Debleskro tsiro 21:6

Oun yob penas pale: Halauter vas yaake, har penom. Mandar vas halauter. Oun lauter vella pale glan mande. Me hom o glanstouno oun o palstouno. Kones troush hi, kova lell mandar o djido pani čičeske.

Bičepangre 2:32

Kava Yezouses moukas o Devel i moulendar pre te stell. Kova djinah mer. Mer halauter dikam les djido.

Hebrearja 2:10

O Devel kamas, te venn boud menshe peskre čave, oun lenn leskro raylepen. Doleske hounte las peskro čavo douka oun merepen ap peste, te nay anell lo len ap ko drom, kay lenn le o Debleskro djipen. Yaake his kova mishto glan o Debleskre yaka, kay lauter kras, oun koleske lauter kerdo vas.

1. Korintarja 15:45

An o Debleskro lab hi činlo: O ersto mensho, o Adam, las o djipen. Oun o Yezous Kristo, koles nay kharams mer o douyto mensho – yob hi i djido dourho, kay dell o djipen.

Johanni 5:26

An o dadeste hi o djipen. Kova das lo ninna peskro čaveste, te vell an leste ko djipen.

Johanni 1:4

An leste his o djipen. Oun ko djipen his i bari momeli i menshenge.

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

Hebrearja 5:9

Oun yob kras kova lauter, oun či ačas pral, hoy hounte krals lo gomme. Yaake nay lell lo lauteren, kay ap leste shounenna, hako tsireske dran o čilačepen oun o merepen vin.

Johanni 17:2

Tou dal les i zoor pral i tsele menshende, te dell yob lauteren, kay tou les dal, o djipen, hoy gar pre-herella.

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Johanni 4:14

Koon ko pani piyella, hoy me les dau, kova lell an peskro tselo djipen bouder kek troush. Ko pani, hoy me les dau, vell an leste i djido pani, hoy dell les o djipen, hoy gar pre-herella.”

Johanni 4:10

Penas o Yezous ap late: “Te djinals tou, hoy o Devel kamell tout te dell, oun koon toutar ko pani mangella, mangals tou mandar, te dap tout o pani. Oun me doms tout o pani, hoy dell o djipen.”

Debleskro tsiro 22:1

Oun yob sikras man o baro lengsto pani, hoy djoudjo hi har i djoudji vali. Ko pani dell o djipen oun vell kotar, kay hi o beshepaskro o Deblestar oun o terno bakrestar.

Johanni 10:28

Oun me dau len ko djipen, hoy gar pre-herella. Oun yon djan gar nashedo. Oun kek nay tserdell len dran miro vast vin.

Efesarja 1:20

hoy kras o Yezous Kristes i moulendar djido, oun beshas les ap i čači rig o Deblestar an o bolepen,

Bičepangre 5:31

Koles hadas o Devel oun beshas les ap peskri čači rig, te vell lo ray oun lell i menshen dran o čilačepen oun o merepen vin. Kova kras o Devel, te moukenn i menshe an o them Israel pengro phouro djipen, yaake te nay lell lo lengri doosh lendar krik.

Bičepangre 1:22

ko tsirestar, kay moukas yob pes o Yohannestar te taufrell, bis ap ko dives, kay vas lo mendar an o bolepen lino. Kava morsh hounte penell mentsa khetne i menshenge, kay o Yezous i moulendar pre stas.

Louka 24:48

T'mer dikan kova lauter, oun hounte penenn kova i menshenge doureder!

Bičepangre 4:2

Yon his rhoyemen pral o Petreste oun o Yohanneste, te sikran kalla i menshende o Debleskro drom oun penan, kay o Yezous i moulendar pre stas.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.