Bičepangre 27:29 - O Debleskro Lab 2024 (Sinte-Manouche)

²⁹ Koy trashan le, te oulerenn le ap i bare barra, hoy tel o pani his. Oun yon vitsran star sasterne shelle, pal o shiffo an o pani, te vell lo gar krik tserdedo. Oun o shiffo ačas kote čiddo, bis te vas o vavar dives.

O Debleskro Drom 2021 (Sinte)

²⁹ Koi trashan le, te ulerenn le ap i bare barra, hoi tel o pani his. Un jon witsran star sasterne shelle, pal o shiffo an o pani, te well lo gar krik tserdedo. Un o shiffo atchas kote tchiddo, bis te was o wawar diwes.

Bičepangre 27:29 Referans Kwoze

Bičepangre 27:17

Yon tserdan les pre, oun palle pandan le shelle troul o tselo shiffo, te djal lo gar paash. Halauter daran, te nay oulerals o shiffo ap i barra, kay glan o them Libia tel o pani hi. Doleske vitsran le ko sasterno shello an o pani tele, hoy rikrell o shiffo pale, te djal lo gar yaake sik. Oun yon moukan o shiffo yaake te djal har o baro dourho les pral o pani phourdas.

Hebrearja 6:19

Kava patsepen rikrell maro djipen, yaake har rikrell i zorelo saster i shiffo, te djal lo gar ap o pani nashedo. Oun kova, ap koleste patsah oun dikah, kova hi o Yezous. Yob djas glan mende pash o Debleste an o bolepen, yaake har djas o baro rashay an o phouro tsiro an o Debleskro kheer. Oun yaake vas o Yezous hako tsireske savo baro rashay, har glan i rah tsiro o Melkisedek his.

Bičepangre 27:30

Kol boudepangre ap o shiffo kaman penge čorrhanes mendar te djal, oun penan rhorhenes ap i vavarenge: “Mer moukas ko tikno bero an o pani, te nay vitsras ninna glan o shiffo sasterne shelle an o pani.”

Bičepangre 27:26

O baro dourho phourdell men ap i tikno kotar them an o baro pani.”

Debleskri gili 130:6

Miro dji dikell ap o Debleste, miro rayeste, te vell lo ap miri rig. Oun o tsiro vell mange rah, boudeder har kolenge, kay rati yak denn ap o foro oun kamenn, te vell sik o dives. Ava, boudeder har kolla!

5. Mose 28:67

T'men vell savi daar, oun t'mare yaka hounte dikenn savo djoungelo koova, kay penenn taysarlakro: Kamaus, te vals rati! Oun rati penenn t'mer: Kamaus te vals tsalla!

Bičepangre 27:28

Koy vitsran yon i saster an o pani, hoy ap i shello pandlo hi, te dikenn le, har dour kova tele djala. Kova djas star-deesh metarya dour tele. I kotar doureder kran yon kova pale, oun dikan, kova djas triyanda metarya dour tele.