Bičepangre 26:7 - O Debleskro Lab 2024 (Sinte-Manouche)

⁷ Mare menshe, kay venna i deesh-te-douy Israeleskre čavendar, kolla mangenn o Debles dives oun rati, te vell kova, hoy yob mare phourenge penas. Baro Agrippa, me patsau, kay kova vas, kolestar o Devel penas, te vell yob. Doleske kamenn man i bibolde i phagi te dell.

O Debleskro Drom 2021 (Sinte)

⁷ Mare menshe, kai wenna i deesh-te-dui Israeleskre tchawendar, kolla mangenn o Debles diwes un rati, te well kowa, hoi job mare phurenge penas. Baro Agrippa, me patsau, kai kowa was, kolestar o Dewel penas, te well job. Doleske kamenn man i bibolde i phagi te dell.

Bičepangre 26:7 Referans Kwoze

Jakobo 1:1

Kava liil činau me, o Yakobo, kova, kay boudrell o Yezous Kristeske oun o Debleske. Me penau lače laba kolenge, kay patsenn ap o Yezous Kristeste oun djivenn mashkral kolende, kay gar patslo hi.

1. Timoteo 5:5

I patsli djouvel, kay hi lat bouder kek rom, vitar kek vavar menshe, kolake hounte venn t'mer koy. Koya dikell ap o Debleste kokres oun mangell lestar, te dell lo lat doha djipaske. Yoy mangell les i tselo djiyestar o dives oun i rati, oun moukell gar tele.

1. Tessalonikarja 3:10

Ap o dives oun an i rati mangah o Debles o tselo djiyestar, te dikas t'men pale, te nay kras t'maro patsepen gomme zorleder. Me kamoms o tselo djiyestar, te anell man o Devel, maro dad, oun o Yezous, maro ray, pash t'mende.

Filiparja 3:11

te krell o Devel man ninna i moulendar djido.

Louka 22:30

Oun t'mer rhana oun piyenna mantsa kote, kay me o baro ray hom, oun han beshdo ap rayeskre beshepangre, oun penenn o čačepen vin pral i tsele menshende, kay venna o deesh-te-douy Israeleskre čavendar.”

Mateo 19:28

Penas o Yezous ap lende: “Čačepah, me penau t'menge: Ko tsiro vella, kay o Devel lauter neves krella. Ap ko tsiro hi o Mensheskro Čavo o ray pral lauterende, oun yob hi beshdo ap peskro rayeskro beshepaskro. Oun t'mer, kay mantsa djana, t'mer venn ninna raya, oun han beshdo ap deesh-te-douy rayeskre beshepangre, oun rakrenn o čačepen vin pral i tsele menshende, kay venna i deesh-te-douy Israeleskre čavendar.

Esra 6:17

Koleske anan le an o Debleskro kheer 100 (sheel) gourma, 200 (douy-sheel) bakre, oun star-sheel (400) terne bakre, te venn le maredo o Debleske, ninna deesh-te-douy morsh bouzya, yek haki bari familyake, hoy vell o deesh-te-douy Israeleskre čavendar. Kol bouzya van rhačedo o Debleske, te vell i doosh i Israelendar krik lino.

Bičepangre 26:2

Baro ray Agrippa, me hom barhtelo, te nay penap touke kava dives lauter, hoy i bibolde ap mande pre anan.

Bičepangre 20:31

Doleske denn yak! Oun rikrenn t'mare yaka pre! Triin bersha homs me pash t'mende, oun rovom hako dives oun haki rat ap t'mende, te krenn či, hoy gar mishto hi an o Debleskre yaka. Ma bistrenn kova!

Louka 2:25

Ap ko tsiro djivas an o foro Yerusalem i morsh. Leskro lab his Simeon. Kova patsas ap o Debleste, oun djivas yaake, har o Devel kova kamas. Oun yob dikas ap ko tsiro, kay lell o Devel i bibarht i Israeleskre menshendar krik. O Simeon his pherdo Debleskro Dourho.

Debleskri gili 135:2

t'mer, kay tardo han an o baro Debleskro kheer, ap koy platsa glan o kheer maro Deblestar.

Esra 8:35

Oun kol menshe, kay van pale dran o pandepen, anan firhen o Israeleskro Debleske, oun maran len leske: 12 (deesh-te-douy) terne gourma i tsele menshenge an Israel, 96 (enya-deesh-te-shob) morsh bakre, 77 (efta-deesh-te-efta) terne bakre. Ninna anan le 12 (deesh-te-douy) morsh bouzya, kay van maredo, te vell i doosh i menshendar krik lino. Oun kol tsele firhe van pre rhačedo o baro Debleske.

Bičepangre 24:15

Me patsau ninna har yon, kay kolla, kay meran, pale djido venna: kol lače oun kol čilače.

Bičepangre 26:3

Me djinau, kay tou prindjreh o biboldengro patsepen. Tou djineh, har i bibolde djivenna. Oun tou djineh ninna pral havo koova yon pen čingrenna. Doleske mangau toutar: De man ko tsiro, te penap touke halauter!

Bičepangre 28:20

Kava kamom t'menge te penell. Doleske dom t'men gole, te venn pash mande. Mer bibolde dikah ap ko dives, kay o Devel koles bičrella, kay anell o Israel dran i bibarht vin. Ap koleste patsau me. Doleske hom kanna pandlo kol shellentsa.”